SUPERBALITA CEBU

Hepe naigo sa buwang atol sa raid sa sabong, patay

PATAY SA BUWANG: Si Police Lieutenant Christian Bolok, hepe sa kapulisan sa lungsod sa San Jose, Northern Samar, namatay human maigo sa buwang sa usa sa mga manok nga gitari sa tigbakayan nga ilang gironda sa Lunes, Oktubre 26, 2020. (Northern Samar News and Information)

SAN JOSE, Northern Samar - Hepe sa kapulisan sa San Jose, Northern Samar patay atol sa gihimong raid kontra tigbakay ala una sa hapon, Lunes, Oktubre 26, 2020.

Giila ang namatay nga si Police Lieutenant Christian Bolok, hepe sa kapulisan ning lungsod.

Ang kapulisan sa lungsod nakadawat og report sa ilegal nga sabong sa Barangay Mandugang. Dali nga niresponde ang kapulisan pinangulohan ni Bolok.

Ilang naabtan ang mga sabongero nga nagsultada pa sa tigbakay.

Sa mga sugarol, unom lang ang nasikop sa kapulisan kay ang uban nagkatibuwaag sa pagpanibat sa lainlaing direksyon.

Nasikop mao sila si Dioscoro Grande, 46; Rodolfo Moreno, 65; Vicente Medice, 81; Peter AƱonuevo; Junior Romines ug alyas Ren Ren Romines Dela Tonga.

Sila si Bolok nakig-inilugay sa pagkuha sa mga ebidensya, apil na ang mga manok nga nga gitari nga duna pay buwang nga gitaud sa tiil niini.

Gituohan nga nga ang usa sa mga manok maoy nakaigo sa paa ni Bolok.

Gidala og dali sa Northern Samar Provincial Hospital ang pulis, apan gideklarar nga dead on arrival ni Dr. Socorro Siervo.

Nakuha sa kapulisan ang pito ka mga manok igtatari, buwang ug salapi nga gigamit pagpusta. (JKDP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph