SUPERBALITA CEBU

Nalzaro: Pulis bawal mag-TikTok

Saksi

MIPAGAWAS og kamanduan ang Police Regional Office (PRO 7) ngadto sa tanang mga pulis ubos sa hurisdiksiyon niini nga nagdili kanila nga mag-apil-apil aning TikTok sa social media. Labi pa kon panahon sa ilang duty ug mag-uniform. Ang TikTok kana bang morag mag-selfie nga magpakita nga maglip-synch o kanta dalang kiay-kiay. Kini base usab sa kamanduan sa Camp Crame.

Daghan ang naboang aning TikTok labi pa gyud ang mga batan-on nga makiuso sa panahon. Purely entertainment ra gyud ni. Ang trabaho sa pulis lahi man god sa ubang propesyon. Gikinahanglan nga sila respetuhan kay sila maoy tigpatuman sa balaod. Morag mawala man ang respeto sa katawhan ngadto sa atong mga pulis kon magkinkoy-kinkoy sila. Gikinahanglan nga magpabilin ang ilang dignidad aron respituhan sila sa katawhan ug dili mahimong kataw-anan lang.

Gitagna nga 30 ka tuig gikan karon o sa tuig 2050, ang kalibutan will be Zillion times smarter, faster and better. Panagna kini sa magsusulat sa libro nga nag-ulohan “The Inevitable” nga si Kevin Kelly. Matod niya nga ang smart phone nga anaa aa imong bulsa ug mga kamot karon mas gamhanan pa kay sa Cray 2 Supercomputer niadtong 1985. Karong panahuna, labihang paspasa na man sa teknolohiya. Unsa na kaha 30 anyos gikan karon?

Kanang application nga TikTok usa lang sa labihang daghanang na-imbento nga kaayuhan ug kaboang sa teknolohiya karon. Ug alang sa hepe sa Philippine National Police (PNP), maka-apekto sa performance sa mga polis ang TikTok nga mosangpot pa sa dili maayong imahin sa atong kapulisan ug mahulog nga conduct unbecoming of a police officer.

Unsaon man pagbuntog ang usa ka malampusong kaayohan sa TikTok application nga nahimong atraksyon sa tibuok kalibutan gumikan sa iyang entertainment value?

Kapugngan ba ang gana sa mga pulis sa pag-ukit sa iyang smart phone aron lang makapakita ngadto sa tibuok kalibutan sa tinuod niyang personalidad? (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph