GIPABUHAGAY sa Malacañang nga dili na kinahanglan nga mopahigayon og imbestigasyon ang gobiyerno kabahin sa isyu sa coronavirus disease 2019 (Covid-19) sulod sa Philippine Basketball Association (PBA) bubble sa Clark, Pampanga.
Nagkanayon si presidential spokesperson Harry Roque nga ang sitwasyon sa bubble gitutokan na’g insakto sa PBA ug sa Bases Conversion and Development Authority.
Usa ka magduduwa sa Blackwater Elite ug usa ka referee ang nasutang positibo sa Covid-19 human kini ningpaubos sa swab test.
Apan ang duha pareho nang negatibo sa antigen test ug laing swab test nga ilang giagian.
Dihang gipangutana kon nagplano ba ang gobiyerno nga mopahigayon og imbestigasyon sa bubble, si Roque mitubag: “hindi na po dahil sila po’y nag-contact tracing at ilan lang naman po sila diyan so madali ang contact tracing.” (ESL)