NAGBUNGA na ang kahago ug paningkamot sa Cebu vlogger nga si Anton Camilo nga matabangan si Berta dili lang sa iyang hubag sa kamot kundi pati sa pagpa-rehab. Kasamtangan, atoa na karon si Berta sa usa ka rehabilitation center, ang Safehaven sa Talamban.
Matod pa ni Anton, blessing in disguise ang nahitabo tungod kay ang tumong ni Anton sa pagpunta niya sa Safehaven kay mag-inquire siya kabahin sa pagbalhin ngadto sa iyang mga gialimahang tiguwang.
In passing, nabungat niya ang kabahin sa iyang paboritong subject nga si Berta nga nagkinahanglan og tabang ug ang mga taga-Safehaven na mismo ang nag-offer nga didto na lang si Berta kay rehab center sad diay ang Safehaven.
Pipila lang ka adlaw ang minglabay, gikuha na si Berta sa mga taga-Safehaven ug very cooperative naman si Berta, wa siya mo-idlas.
Bongga ang Safehaven tungod kay may swimming pool sila, may basketball court ug nakita ko ang higdaanan ni Berta, aba, mahihiya ang Sogo Hotel sa ka-nindot og kalimpyo. Hehehe.
Kanunay sad nga gi-pray over nila si Berta sa nahisgutang facility.
Kagahapon, giduaw ni Anton si Berta after two days ug sige kuno kining gakatulog sa iyang kwarto. Good, tungod kay kaniadto, kanunay nga naglulaw si Berta ug lakad siya nang lakad sa kadalanan.
Gidad-an ni Anton og mga sinina ug uban pang kinahanglanon ni Berta kay bisan og nasa rehab na si Berta, padayon ang pagtabang og pag-amuma ni Anton kaniya.
Adunay in-house doctor ang nahisgutang rehabilitation center so makaasa ta nga masulbad na ang problema ni Berta sa iyang kamot nga gahubag gumikan sa pagsul-ob sa singsing nga 3 fingers nga dili na mahulbot ug nanghubag na jud.
Daghang salamat, Anton, sa imong care kang Berta. Dalaygon ka ug ikaw ra jud ang nakahimo og ingon niini to think nga daghan nang katuigan nga naglaroy-laroy si Berta sa mga kalsada sa Sugbo. Way nag-attempt nga masulbaran ang iyang panghuna-huna.
Para sa dugay pang kasayuran kabahin sa Safehaven, dili lang sa mga gustong magpa-rehab ingon man ang pag-amuma sa senior citizens, tawgi ninyo sila sa 032-2319709; 09391790282/ 09158621569 ug pangitaa si JV.
Makita sa hulagway si Berta kauban ang iyang paboritong vlogger/saviour nga si Anton Camilo of Anton Camilo Vlogs.