SUPERBALITA CEBU

Kabaw giluba kay paryente naglagot sa amo

GIPAHIMUNGTAN: Mao kini ang kabaw ni barangay konsehal Edgar Diano nga gipatay sa amahan ug anak nga Edriana niadtong Dominggo sa gabii, Oktubre 25, 2020. (File)

BARANGAY konsehal nakapanguros, nakapanagkot og sayo sa buntag sa kapilya kay nakalingkawas sa tinong kamatayon, apan way swerte iyang binuhing kabaw kay maoy giluba sa iyang mga kabanay nga nasuko kaniya niadtong Dominggo sa alas 7 sa gabii, Oktubre 25, 2020 sa Barangay Anao, lungsod sa Ginatilan.

Gumikan sa ka layo sa bukid, Lunes, Oktubre 26, na report og udto naabot ang mga pulis.

Nangayog abag si barangay konsehal Edgar Diano, hingkod, human soua gisuwayan sa pagpatay sa iyang paryente nga giilang si si Ronnel Endriana, 32, dunay kapuyo, usa ka mag-uuma.

Si Edriana nasikop sa usa ka hot pursuit operation.

Apan at-large ang iyang amahan nga si Nelson Endriana, kaayong midagan sa bukid dihang naabot ang kapulisan.

Si Police Staff Sergeant Bismarck Babera, sa Ginatilan Police Station nga nahinabi sa Superbalita Cebu nagkanayon nga sa wala pa ang kremin, sila si Diano ug mga Edriana, uban sa ilang mga kabanay ug paryente, nag-inom kay nangumbira sila sa birthday sa usa nila ka paryente.

Si Ronnel gikatahong nahubog na, nagmaoy, bisan kinsa nalang iyang duulon ingon taparan, kuptan o hikapon.

“Baragbarag na daw ni suspek. Unya adto ni magsigig dut-dut, motapad og lingkod sa ilang silingang minyo. Gibadlong sa konsehal nga ayaw ana,” dugang ni Babera.

Apan nasuko si Ronnel, nagkalalis sila kay wala mopatuo sa konsehal.

Si Ronnel namungot, nikuha sa iyang pinuti ug gitigbas si Diano.

Abtik sab nga nakapanalipod si Diano, iya pang nailog ang pinuti.

Nauwang sa ilang mga kabanay ang away sa duha ug nipauli si Diano sa ilang balay.

Apan dihang hipuson na unta nila ang iyang gilawgannga kabaw, ilang naabtan sila si Ronnel ug Nelson nga nagtinabangay sa pagdunggab ug gulgol sa ilang kabaw.

Ang amahan ug anak nga Adriana, dihang nakakita sa barangay konsehal, ila kining giatake ug gigukod apan nakapangayog tabang si Diano Nitago kini sa kahadlok hinungdan nga buntag na nakareport sa kapulisan.

Dugang ni Babera nga ang mga suspetsado naglagot og maayo sa konsehal.

Kasong attempted murder, ingon man malicious mischief ang gipasaka sa kapulisan batok sa mga suspek. (GPL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!