SUPERBALITA CEBU

Lonzon: Buslot sa PhilHeath, Red Cross

Mata sa agila

PAITA. Gipahibawo ni Senador Richard Gordon, pango sa Philippine Red Cross (PRC) nga P1.1 bilyunes ang utang sa PhilHealth sa ilang buhatan

Apan nakita ang buslot sa transaksyon nga nasudlan sa PRC nga mi-advance og P100 milyones.

Wala sila mauwaw ang PRC usa ka non-profit organization mihunong sa pag serbisyu sa mga overseas Filipino workers ( OFW) pinaagi sa pagkuha og swab test.

Natanggong ang mga OFW didto sa airport sa Manila kay gihunong sa PRC ang ilang serbisyo kay wala pa mabayri sa PhilHealth.

Dinhi atong makita unsang klase ang matang sa panerbisyo ni Gordon nga puwede man nilang ipadayon ang swab test.

Samtang ang kuwestyunabling gitangtang nga presidente sa PhilHealth nga si retired General Morales gipakawalay sala ni Gordon.

Nagpahigayon man gud og hearing ang Senate Blue Ribbon Committee nga gipanguluhan ni Gordon sa mga anomaliya sa kuwarta sa PhilHealth nga gigamit sa Covid-19.

Sa maong hearing migawas nga dili sad-an si Morales. Sentido komon lang ba, naa bay tangtangon nga way sala?

Abi baya nato nga ubos aning kasamtangang gobiyerno wala nay mga tawo nga mangurakot; daghan man diay.

Naa pay mga isyu nga naglambigit sa mga dagkong opisyal sa Inter Agency Task Force (IATF) kabahin sa panguwarta.

Samtang ang mga gagmay maoy naligsan sa kampanya sa pangurakot sama sa nahitabo sa pagkasuspenso sa mga opisyal sa barangay nga nalambigit sa anomaliya sa pagpili og beneficiaries sa Social Amelioration Program (SAP).

Gipakita ni Cebu City Mayor Edgardo Labella ang iyang pagkamahigala-on ug di maginukdanon.

Nagkasabot ang Cebu City Government ug ang mga negusyante nga motabang sa pagsulbad sa problema sa pagbaha nga nakatampo ang ilang edipisyo sa problema.

Ingon ani ang pagbalanse ni Labella sa mga negusyante ug mga kabus. (Email: efren_lonzon@gmail.com / Text: 09235562777)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph