GATIAN PAUL R. TIDOR
Dipolog City, Zamboanga del Norte
Wala mohilak ang langit
alang sa balakero
nga naghinuktok sa bintana.
Walay mensahe gikan
sa kahitas-an,
walay sugilanon,
walay tanghaga,
walay silot. Ang ulan
wala manginlabot
sa handurawan o panumdoman,
sa kasingkasing o hunahuna,
sa imahen o metapora.
Ang mga pulong
nga nahisulat niining papel,
papason ra unya sa pagbunok.