KAPIN sa P3 milyunes nga balor sa shabu ang nasakmit sa manag lahi nga hugna nga anti illegal drug operations sa stations drug enforcement unit (sdeu) sa Cebu City Police Offce (CCPO) niadtong Oktubre 27, Martes.
Sa unang dakop sa anti illegal drug operation sa Abellana Police Station 2, pasado alas dos sa hapo sa Sityo Camia sa Barangay Capitol Site nga gipangulohan ni Police Major Elizandro Quijano, ang hepe sa Abellana Police Station, nga miresulta sa pagkasikop ngadto na kang Jara Arieta Solina, 39 , ug molopyo sa maong dapit.
Nasakmit gikan kang Solina nga shabu ang moabot na sa 100 gramos nga mobalor sa P680 mil subay sa iyang Dangerous Drugs Board (DDB) value.
Nasayran nga ang dinakpan kanhi na napriso sa susamang kaso ug usa ka buwan palang ang nakalabay gikan sa iyang pagka gawas gikan sa prisohan nibalik na usab si Solina sa pagpamaligya sa guudiling drugas.
Samtang, pasado alas 9 sa gabii sa susamang adlaw, laing duha ang nadakpan sa mga operatiba sa Pardo Police Station 7 ug miresulta sa pagkasakmit na sa shabu nga motimbang og 400 gramos nga mobalor og P2.7 milyunes.
Si Police Major John Kareen Escobe,r ang hepe sa Pardo Police 7, kinsa maoy nangu sa maong pag pangronda mi ila sa mga dinakpan nga sila Romil Cordova Lim alyas Omi, 38, kinsa maoy target sa maong dakop.
Ug ingon man si Edgardo Dignadice Badayos, 63, pulos molopyo sa maong lugar. Gikonsidera sa pnp nga si Lim usa ka high value individual drug personality tungod sa gidaghanon sa shabu nga nasakmit gikan kang Lim ug Badayos.
Ang mga dinakpan pulos na gipriso sa selda sa mga stasyon kon asa sila nadakpan samtang wala pa mapasaka ang kaso maylabot na sa pagka lambigit sa ilegal nga drugas.
Ang kapulisan mitutok og balik sa kampanya batok sa gidiling drugas. (BBT, AYB)