USA ka kawani sa Cebu City Hall, kinsa usa ka casual worker, nigawas nga positibo sa surprised drug test sa Cebu City Office of Substance Abuse Prevention (Cosap).
Si Cosap head Jonah John Rodriguez nagkanayon nga ang moang kawani bag-ong na-hire sa Cebu City Transportation Office (CCTO).
An Cosap nihimo og surprised drug test sa newly-hired employees sa CCTO lniadtong Oktubre 23, 2020.
Sumala ni Rodriguez, usa lang ang nahagbong ug mipasar sa drug test ang laing 29 ka mga kawani.
Ang naasoy nga CCTO napuno sa unang tulo nga job order (JO) workers ubos sa City Disaster Risk Reduction and Management Office (CDRRMO) nga nagpositibo sa surprised drug test.
Hangtod sa Oktubre 28, si Rodriguez nagkanayon nga mokabay na sa upat ka ma kawani ang positibo sa paggamit sa illegal drugs.
Matod ni Rodriguez, ang mga kawani kinahanglang pa na mopaubos sa confirmatory test.
“All who failed in the initial screening will undergo confirmatory tests. Their urine samples will be brought to Manila,” dason ni Rodriguez.
Si Rodriguez nagkanayon nga nakahimo na sila og surprised drug test sa ka mga buhatan lakip sa 209 gikan sa CDRRMO; 30 sa CCTO; 31 sa Children, Women and Bike Lane Commission; 80 gikan sa Management Information and Computer Services (MICS); ug 22 gikan sa Human Resource and Development Office (HRDO).
Mokabat na sa 272 ka employees ang napaubos sa surprised drug test.
Dugang ni Rodriguez, ang nakahimo na sa surprised drug test sa 55 ka mga kawani sa T. Padilla Barangay Hall niadtong Oktubre 26 diin negatibo tanan.
Ang SunStar Cebu nisuway sa pagkontak ni City Legal Officer Rey Gealon kon unsay dangatan sa trabaho sa maong mga kawani nga positibo apan, napakyas. (JJL)