SUPERBALITA DAVAO

12 lungsod nilutaw sa baha

Hulagway kuha ni Edgar Fuerzas

COTABATO CITY -- Nilutaw sa baha ang 12 ka lungsod sa probinsiya sa Maguindanao nunot sa daut nga lakat sa panahon.

Naapektuhan sa pagbaha ang lungsod sa Mother Kabuntalan, Northern Kabuntalan, Datu Paglas, Datu Paglat, Sultan Sabarongis, Buluan, Datu Piang, Sultan Kudarat, Talitay, Pandag, Pagalungan ug Datu Montawal.

Sumala kang Provincial Disaster Risk Reduction and Management Office Officer Nashrullah Imam nga moabot sa 40,499 pamilya ang apektado sa baha.

Kini human nga miawas ang Rio Grande de Mindanao ug ang Liguasan Marsh tungod sa way puas nga pag-ulan ug gitumbok ang mga ubos nga dapit sa probinsiya, apil na kadtong nanimuyo sa daplin sa kasapaan.

Nagpasidaan si Imam sa mga namuyo daplin sa sapa ug sa kabukiran nga magbinantayon sa ilang kaugalingon sa bul-og sa baha ug pagdahili sa yuta.

Hinuon, nagpaabot gilayon og hinabang ang kagamhanang probinsiyal ngadto sa mga naapektuhan sa pagbaha. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph