SUPERBALITA CEBU

Rabacal: US elections (Last part)

Pakabana

DAGHANG midayeg sa kapaspas sa US sa pagsayod sa mananaug matag presidential elections sa ilang dapit. Tungod kana sa Electoral Colleges Votes (ECV) nga adunay gidaghanon nga 538. Ang makakuha sa labaw sa katunga niini, labing minos 270 mao na ang modaug sa maong eleksiyon. Kining maong ECV nagrepresentar sa gidaghanon sa mga kongresista ug duha ka mga senador sa matag 50 (dili 100 nga nasayop sa miaging kulom) ka mga US States. Block voting ang presidente ug bise presidente. Nagpasaabot nga ang imong botaran sa pagka-presidente mao usab ang bise.

Ang mga presidential candidates, incumbent president Republican Donald Trump (R) ug ex-vice president Democrat Joe Biden (D), dili na kaayo mokampaniya sa mga states nga nagpaluyo kanila. Pananglitan sa California (47 ECV), New York (36 ECV) ug uban pa dili na kaayo tutokan sa Democrats. Samtang ang Republicans nagsalig sa Texas (29 ECV) ug uban pa. Ang ilang gikampanyahan mao ang gitawag og battleground kun swing states sama sa Michigan (20 ECV), Nebraska (5 ECV) Wisconsin ((11ECV), Pennsylvania (25 ECV), Arizona (7 ECV), Florida (21 ECV), North Carolina (13 ECV), ug uban pa. Kining maong mga swing states maoy mopadaug sa kandidato sa pagka-presidente. Ang pipila ka dagkung isyu karon mao ang Covid – 19, healthcare, ekonomiya, ug uban pa. Kapin na sa 60 milyon ang nakabutar sa mga states nga nag-advance voting. Dili pa mahibaw-an kon si kinsa ang ilang gibutohan.

Ang kamatuoran mao nga ang magpili sa mga mananaug mao gayud and Electoral College Electors nga mag-abut sa unang Lunes sunod sa ikaduhang Miyerkules sa Disiyembre human sa eleksiyon. Ang mga electors sa duha ka mga political parties, Republican ug Democrat, maoy mobotar sigun sa resulta sa eleksiyon sa Nov. 3.

Mao kini ang pagkumpirmar sa resulta sa milabay nga eleksiyon. Ang mga mananaug manumpa ug molingkod sa ilang pwesto sa Enero 20, human sa piniliay. Si kinsa man ang modaog karong US presidential election? Naa akoy gituhoan apan dili lang nako ikatug-an kaninyo.

* * *

Nalipay ako nga nakasabot ra ang gobiyerno nga angay unahon karon ang pagtabang sa nagkalisud nga katawhan inay sa pagpatuman sa modernization program niini. Sa dili madugay, anaa nay mga tradisyonal PUJs nga makadagan sa kadalanan sama usab sa pagtugot sa mga habalhabal. Kinahanglan lang hinuon nga maayo ang kondisyon ug limpiyo sila ug mosobay sa safety protocol. Kini maoy panginabuhian sa mga drayber nga dugay nang gigutom. Hinaut pang tugotan na usab ang kontrolado nga pagpamaligya sa aseras. Kining akong gipanghisgutan dili na gyud unta angay sa wa pa ang Covid-19. Hinaut pang magbantay ang tanan aron dili masakit kay dili lalim. (mannyrabacal1144@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph