GIDAWAT na sa dul-an 2,000 ka healthcare workers ang ilang tag P10,000 nga financial incentives gikan sa Cebu City Government, Oktubre 29, 2020.
Si Mayor Edgardo Labella ningtambong atol sa ceremonial distribution sa Cebu Doctors Hospital ug Chong Hua Hospital nga maoy labing dagko nga pribadong tambalanan sa siyudad.
Ang tag P10,000 nga ilang nadawat kagahapon maoy na-representar alang sa Agusto ug isunod ang para sa Septiyembre ug Oktubre sa mosunod nga mga semana.
“We have begun to distribute the first P10,000 of the P30,000 financial token for the months of August, September, and October to 1,800 private healthcare workers for their service to COVID-19 patients and for helping us flatten the curve in Cebu City. The City Treasurer’s Office is disbursing this in nine private hospitals, starting with Cebu Doctors University and Chong Hua Hospital today,” padayag ni Labella.
Ang mayor nagpasalamat sa healthcare workers sa ilang pagtabang aron mokunhod ang mga kaso sa Covid-19 sa siyudad.
“I express my sincerest gratitude to all of the frontliners for their unselfish dedication. I also would like to recognize the Ramon Aboitiz Foundation, Inc. (RAFI) for helping the Cebu City Government to come up with the list of qualified recipients,” dugang sa mayor.
Ang mayor nagpasalamat usab ngadto kang Konsehal Raymond Garcia sa iyang pagpangitag paagi aron mapundohan ang maong proyekto ug giaprobahan sa konseho.
“Nagpasalamat sab ko kang Councilor Raymond Garcia, atong chairman sa committee on budget and finance, nga gitahasan nako pagpangita og paagi aron maka-disburse ta og public funds sa mga private healthcare workers,” matod ni Labella.
Pipila ka buwan ang nakalabay, ang Siyudad nisaad sa paghatag og insintibong pinansyal sa mga health care worker nga naa sa pribadong mga tambalanan, kadaghanan kanila nangreklamo sa sweldo itandi sa naa sa gobyerno. (PAC)