Tyson, Jones Jr. magtinuoray og sumbagay

Gipabuhagay sa kanhi world boxing undisputed champions nga sila si Mike Tyson ug Roy Jones Jr. nga tinud-anay nga binukbokay ang masaksihan sa ilang panagharong sa sunod buwan bisan usa lang kini ka exhibition bout.

Hinuon ang balaod sa women’s boxing mao gihapon ang ipatuman sa away nga gikatakda karong Nobiyembre 28, 2020 sa Staples Center sa Los Angeles, USA.

“Listen, I don’t know what you are talking about (it) not a real fight,” matod ni Tyson sa usa ka conference call nga napatik sa www.boxingscene.com.

“You got Mike Tyson and Roy Jones and I’m coming to fight and I hope he’s coming to fight and that’s all you need to know. I’m ready to do this and I’m feeling great. We’re ready to go to war.”

Si Tyson, kinsa nag-edad na og 54, maoy kanhi miusa sa World Boxing Association (WBA), World Boxing Council (WBC) ug International Boxing Federation (IBF) heavyweight titles.

Katapusang miaway si Tyson niadto pang 2005 samtang ang 51 anyos nga si Jones niadto lang 2018 miretiro.

Taodtaod na man tuod nga wala nakaaway si Tyson apan basi sa mga video sa iyang training, makita nga anaa kini sa saktong kondisyon.

Sa iyang bahin, si Jones, kinsa kanhi world champion sa light heavyweight division, mipadayag nga grabe ang iyang pagpangandam.

“I am preparing like I prepare for any other fight because I am fighting the great Mike Tyson, how can you not prepare for that,” batbat ni Jones.

“I would be stupid to not spar when you are going to face the hardest puncher you are probably ever going to face in your life. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph