Lebron gustong mag-parade ang lakers, dodgers

Tradisyon na sa National Basketball Association (NBA) nga adunay dakong kasaulogan ug parada ang mahimong kampiyon nga team.

Apan sa labing unang higayon wala kini nahitabo kay gidili man gihapon ang panagtapok tungod sa padayong hulga sa pandemya.

Ang siyudad sa Los Angeles ningbulsa og duha ka mayorihiyang mga kampiyunato taliwala sa pandemiya.

Ang LA Lakers mikampiyon sa NBA bubble samtang ang LA Dodgers maoy naghari sa Major League Baseball.

Mao kini ang unang higayon sukad niadtong 1988 nga mikampiyon og dungan ang Dodgers ug Lakers.

Ang pambato sa Lakers nga si Lebron James naghandom nga makabuhat unta ang siyudad og parada nga mosubay sa safety protocols.

“PARADE PARADE PARADE, safely, “ post ni James sa iyang Twitter account nga adunay emoticon nga nagsul-ob og mask.

“Man can we please have a parade. I know I know we cant but damn I wanne celebrate our @Lakers and @Dodgers fans. LA is city of CHAMPIONS, “ suwat ni James sa iyang Twitter account.

Ang mayor sa Los Angeles nga si Eric Garcetti mibutyag nga abli siya sa alternatibong pamaagi nga makasaulog ang LA.

Adunay selebrasyon apan dili ang tradisyunal nga parada.

Matod niya nga wala pa hibaw-i kon unsa ang pamaagi sa selebrasyon kay padayon pang misika ang Covid-19 nga kaso sa Southern California ug anaa pa ang mandato sa social distancing. / RSC

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph