Binghay: Way pagbasol nga mag-una

Karong adlawa katapusan sa pagsa-ulog sa Pink October maong ang akong lindog mahitungod sa metastatic breast cancer, ang cancer nga mikatag na sa ubang00 parti sa lawas.

Atong sabton ang sakit nga kamatu-oran kung unsay mahitabo kung mikatag na ang cancer cells sa ubang parti sa lawas.

Usahay tungod sa kahadlok, bisag naa nay simtomas nga nabati, itago gihapon sa tagtungod kay mahadlok mahibaw-an ang makamatay nga kamatru-oran. Mao sab ni rason nganong dugay magpa check-up unya uwahi na ang pagbasol kay ni metastasize naman.

Gani sa America 155,000 na ka mga tawo ang dunay metastatic breast cancer unya ang kapait kay ang survival rate ini 3 na lang ka tuig kay kusog naman kining mokatag unya wa nay kaayuhan.

Atong sabton kung unsay mahitabo sa lawas kung mokatag na ang cancer cells para atong matabangan ang nasakit ini.

Matod sa mga eksperto, 20% - 30% sa mga nangasakit og breast cancer dunay posibilidad nga mo metastasized kay kumon sa cancer cells ang mabungkag gikan sa orihinal nga tumor unya mobiyahe kini sa atong kaugatan nga agianan sa dugo ug lymphatic system.

Kung makakita na kini og bag-ong lugar nga kapunduhan, modaghan kini hangtod maka-porma og bag-ong tumor.

Mao sab ni rason nganong ang mga oncologist (ispisyalista sa breast cancer) magpahigayon gilayon og blood test, MRI sa spine ug sa utok para ma-agapan ang masakiton.

Kumong lugar nga kabalhinan sa breast cancer ang baga, utok, atay, og kabukugan.

Kung mikatag na sa kabukugan, ang simtomas ini apil ang hait nga pagpanakit sa kabukugan, tumang kakapoy, pagsuka-suka, og pagpangluya.

Kung sa baga, pag-ubo, pagpanakit sa buko-buko og paglisod sa pagginhawa.

Kung sa utok, kanunay nga maglabad ang ulo, memory problem, mawad-an og balansi o kalit nga pagpangurog sa lawas sama sa gipatol.

Kung ari sab sa atay, pag-ubos sa timbang, pagpanghupong, og jaundice.

Ang alibyo ini chemotherapy, radiation therapy kon radiotherapy og surgery kon pagtangtang sa mismong tumor.