24 ka barangay sa Dakbayan sa Sugbo gihatagan na sa ilang hazard pay

Ang Cebu City Government naka-release na og hazard pay ngadto sa 24 gikan sa 80 ka mga barangay sa dakbayan sa Sugbo, Oktubre 30, 2020.

Kini ang gipahibawo ni Mayor Edgardo Labella atol sa unang distribution sa hazard pay nga nagbalor og kapin o kulang P15,000 matag kawani sa barangay.

“Karong adlawa (kagahapon), nagsugod ta og pagpanghatag sa hazard pay sa atong barangay workers from the barangay captain down to the last barangay tanod but not more than 100 employees.” Padayag ni Labella

Ang hazard pay sa barangay officials ug employees nagsugod niadtong Marso 28 hangtod Mayo 31 tuig 2020.

“To those barangay workers nga na-exposed intawon during the ECQ, nakahatag nata sa 38 barangays nga naka-comply sa mga requirements.”, Butyag sa mayor.

Ang mga barangay nga nakadawat gilangkuban sa Pasil (P1.346M), Sawang Calero (P1.275M), Inayawan (P1.625), San Antonio (P538K), Luz (P1.560M), Kinasang-an (P1.625M), Tabunan (P1.013M), Sapangdaku (P1.162M), Suba (P1.072M), Snr. Sto. Niño (P765K), Banilad (P1.205), Sudlon -I (P1.365M).

Gisundan kini sa Kalubihan(P657K), San Nicolas Proper (P761K), Pahina San Nicolas (P838K), Capitol Site (P1.322M), Bulacao (P1.252M), Basak San Nicolas (P1.625M), Cambinocot (P935K), Tagbao (P440K), Taptap (P745K), Hipodromo (P1.341M), Kalunasan (P1.625M) ug Sambag II (P1.170M).

Si Labella nagkanayon nga posible sunod semana, makumpleto na paghatag ang nahabiling barangay nga wala pa makadawat sa ilang insentibo gumikan sa ilang dakong tabang para makontrolar ang pagkatap sa Covid-19 sa dakbayan. / PAC

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph