SUPERBALITA CEBU

Pablo John Garcia IV moasumir pagka konsehal sa Barili

Gitudlong isip bag-ong konsehal sa lungsod sa Barili si Pablo John “John John” Garcia IV molingkod na.

Siya maoy kamaguwangan nga anak sa namatay nga mayor sa lungsod, Marlon Garcia.

Si John John nanumpa atubangan kang Kongresista Pablo John Garcia nga maoy kalihim sa One Cebu ang partido sa mga Garcia sa Biyernes sa buntag, Oktubre 30, sa Cafe Alfonso sa Barangay Nasipit, lungsod sa Barili. Gi-appoint siya ni Gobernador Gwendolyn Garcia nga maoy chairman sa One Cebu Party sa Oktubre 27.

Subay sa Section 5 sa Local Government Code, ang political party kon asa miyembro ang Sangguniang member nga na elevate ang posisyon tungod kay dunay permanent vacancy, maoy motudlo o modugang sa na bakante nga posisyon.

Human namatay si Mayor Marlon Garcia, si Julieto Flores nga maoy bise mayor kaniadto nisaka isip mayor hinungdan nga nisaka usab ang ranking sa uban nga mga konsehal.

Ang uwahing konsehal usa ka sakop sa One Cebu Party hinungdan nga ang maong partido usab maoy ni-pili sa kon kinsa ang ihulip.

Si Gobernador Garcia nagkanayon nga dako ang iyang pagsalig kang John John tungod sa nakita nga susama nga karakter niini sa iyang amahan nga haom alang sa pagpanerbisyo sa katawhan sa Barili.

Nipasalig usab ang bag-ong konsehal nga magmatinud- anon sa pagpanerbisyo sa mga konstituwente sa lungsod sa Barili ug liderato sa lalawigan sa Sugbo. / ANV


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph