SUPERBALITA DAVAO

Genoguin: Mga gubat nga giatubang ni PRRD (Katapusang gula)

Kontra Balanse

SA UNANG gula ning atong kulom, atong gihulagway kung unsa ka dako sa responsabilidad nga gisunod sa atong Presidente Rodrigo Duterte, sa 15 ka pangulo sa atong nasud, puro lang pasalig apan walay mga nangatuman niining tanan.

Gubat sa kreminalidad, gubat sa rebelyon, gubat sa terorista, gubat sa droga, gubat sa kurapsyon ug gubat sa kapobrehon, ug ang pinakalisud nga sumpuon mao ang kapobrehon ug kurapsyon.

Gikasubo nato ang pag-ingon nga sa tanang mga saad nga gusto niyang mahitabo, walay usa niini nga natuman, tungod kay daghang kaayong mga babag, sama sa droga nga gisugdan na niya pagtumba ang mga politiko nga nagpakadatu niini, apan subo kaayong hunahunaon kay ultimo ang atong human rights toa man sa mga tigpayuhot og droga modapig, inabagan sa International Human Rights.

Kung ari kita sa kurapsyon, misamot man hinuon ang kurapsyon sa atong nasud karong panahona. Dili na makapatulin sa mga maayong plano si PRRD tumong sa iyang gisaad nga kausaban, kay didto nalang nasangit sa pagmugna ug MEGA TASK FORCE aron tutokan ang talamak nga kurapsyon sa atong nasud gikan sa iyang paglingkod hangtud karon.

Ang katapusang kausaban nga gisaad niya nato, mao kining FEDERALISMO kausaban sa sistema sa atong gobyerno o pag-usab sa atong 1987 Constitution aron matapos na ang sistemang IMPERIALISTANG MANILA, apan, dili gihapon niya mahimo sa legal nga paagi, sanglit ato nang nakita nga walay gusto ang atong mga magbabalaod ang Congress ug ang Senate.

Aduna pa’y katapusang remedyo nga mahimo ang atong halangdong presidente niining katapusang 20 ka bulan nga nahabilin sa iyang administrasyon ang pagdeklara og MARTIAL LAW, apan, adunay misyon dili nga mahimong usa ka dektador nga magpbilin sa posisyon, last hurrah!

Nga mausab ang atong sistema, bisan tuod og dunay limitasyon ang Martial Law sa atong konstitusyon, sulod sa 60 ka adlaw, apan masmadali alang kaniya ang pagtudlo gilayon og magsulat sa atong batakang balaod sa Federal.

Si kanhi Presidente Ferdinand E. Marcos nagdeklara og martial law Septyembre 21, 1972, katorse ka bulan una moabot ang bulan sa Nobyembre ang presidential elections, pero nahimo niya?

Kini nalang ang katapusang mga pamaagi sa atong presidente nga matuman bisag usa nalang sa iyang gipanaad nga kausaban, tungod kay kadaghan sa iyang gisaad waman gyo’y natuman.

Pero atong balikon pagdeklara og martial law nga adunay dakong katuyoan ang KAUSABAN dili aron magdektador, aron dili siya mahimong ikaduhang Marcos sa kasaysayan sa Pilipinas.

Ang unom ka gubat nga wala niya mahimo, matuman ang tanan pinaagi sa martial law sa seryosong katuyoan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph