MANILA - Kaniadto pa untang May ang coronation sa Mrs. Queen of Hearts 2020 pero naatlan lagi og pandemic.
Actually, Pebrero pa lang, sagunson na ang pre-pageant activities sa maong organisasyon headed by Maam Ma. Mitrizie Go Gil in fact, nakauban pa ako sa ilang charity sa Tagaytay sa usa ka orphanage one month human mibuto ang Mt. Taal ug nakita pa namo ang devastation.
Bisan og pandemic, way hunong ang Queen of Hearts Foundation sa pagtabang sa mga direktang naapektohan niini hilabi na ang mga indigenous people nga natanggong sa Manila, ilang gihatagan og paagi aron makauli kini sa ilang tagsa-tagsa ka probinsya.
Way hunong sad sa paghatag og ayuda ang nahisgutang foundation sa mga frontliners, mga depressed communities ug bisan kaming reporters, kanunay nga makadawat ug ang mga past queens pa mismo ang moduaw sa tagsa-tagsa ka panimalay sa mga reporters para personal nga itunol ang ilang mga gasa.
Kaniadtong October 30, gipahigayon sa wakas sa Dusit Hotel BGC ang dugay-dugay nang naudlot nga pageant para sa mga inahan sa panimalay og ania ang mga gikoronahan:
Annette Mendoza - Mrs. Worldwide Philippines 2020 - Pampanga; Louise Suzanne Alba-Lopez - Mrs. Asia Pacific Global Philippines 2020 - Quezon City; Darling Topacio Edralin - Mrs. Asia Pacific All Nations 2020 - Misamis Oriental; Joana Krisanta La Madrid - Mrs. Asia Pacific Tourism 2020 - Ilagan City; Ma. Glovel Tasico - Mrs. Asia Pacific Intercontinental Philippines 2020 - Batangas; Sarima Paglas - Mrs. Asia Pacific Cosmopolitan 2020 - Maguindanao; Catherine Jordan Flores - Mrs. Queen of Hearts 2020 - Ilocos Norte; Ivy Dianna Manzon-Bo - Mrs. Queen of Hearts Tourism 2020 - Cavite.
Congratulations sa inyong tanan ug goodluck sa salmutan ninyong international pageants kay dungog ko, tanan sila ibangga sa international.
* * *
Natan-aw ko na ang MTV sa kantang Diwa Ng Pasko ni Jojo Mendrez ug tama ako, featured sa nahisgutang MTV ang mag-partner nga dili pa lang dugay gi-test ang ilang panag-uban, sila si China Roces ug Tim Sawyer kauban ang ilang anak. Kauban sad dinhi ang Gigil Kid nga si Carlo Mendoza nga nagsilbing “suga” para magbalikay ang duha.
Makahilak ang MTV ug may clip pa didto si Erika Embang ug Buknoy Glamurr.
Tan-awa ang maong video sa Timmy Basil youtube ug paki-share, nakaka-good vibes lang kasi. Puwede ninyong i-share.