WALAY kokahadlok nga mitabang ang bata sa pagpanakop og lala nga cobra sa iyang amahan sa probinsya sa Cotabato.
Giila ang amahan nga si Jake Kim Jake Tabacolde ug iyang anak nga si Jr , 5, mga molupyo sa Barangay La Esperanza, Tulunan, North Cotabato.
Sumala ni Tabacolde nga dugay na nga nag-uban-uban sa iyaha ang anak sa pagpanakop og halas nga cobra.
Ang anak sa mag-uuma ang usahay modala sa ilang nadakpan nga cobra.
Nakat-on na sab ang bata sa pagtabang sa iyang amahan sa pagpanakop sa nagkadaiyang klase sa bitin diin wala pa kini mapahitan.
Giangkon sab sa mag-uuma nga kapila na siya napaakan sa cobra apan wala misalir ang lala (venom) niini gumikan dunay pangontra siya nga lana alang sa pinaakan sa halas.
Naalarma sab ang mga lokal opisyal sa Tulunan ug gisugyutan ang amahan nga kung manakop og cobra dili niya iuban ang anak.
Kasagaran sa madakpan nga cobra sa mag-uuma ilang ibaligya nga isagol sa himuon nga lana ug ang uban ilang lutuon ug kan-on.