Ceres ipatawag ni Labella; i-ban kon aksidente sige

File photo
File photo

IPATAWAG ni Mayor Edgardo Labella ang management sa Vallacar Transport Incorporated (VTI), tag-iya sa Ceres buses, karong Martes, Nobiyembre 3, 2020, sa tinguha nga di na masubli ang sunodsunod nga mga disgrasya nga gikalambigitan sa ilang mga bus.Gawas sa VTI nga maoy tag-iya sa mga Ceres bus, lakip sa patungahon ni Labella sa iyang buhatan mao ang

United Drivers and Operators Cooperative (Udutco) para malikayan na ang susamang mga insidente nga nikalas na og upat ka mga kinabuhi.

“I will admonish and give them a stern warning because of the series of accidents in the past weeks,” paghulagway ni Labella.

Apil sa patambungon ni Labella ang mga representante sa Land Transportation Office ( LTO) 7, Land Transportation Franchising and Regulatory Board ( LTFRB) 7, Cebu City Transportation Office (CCTO) Cebu City Police Office (CCPO) ug Traffic Patrol Group (TPG).

Ang VTI papresentahon ni Labella kon unsay ilang angay pagabuhaton aron maminosan, kon dili man gani, hingpit mapugngan ang mga aksidente.

Kon magsige ang disgrasya, si Labella nagkanayon nga iyang i-ban sa pagsulod ang mga bus sa VTI sa dakbayan sa Sugbo.

“I will ask the management why all these accidents happened and what are the measures that they are undertaking to prevent these from happening again, otherwise, I will consider banning them from entering the streets of Cebu City,” butyag sa mayor.

Sa miaging duha ka semana, sunodsunod ang mga disgrasya sa Cebu City, Mandaue City, Talisay City ug Consolacion.

Ang disgrasya nga nakapaukay sa mga tawo mao ang tali sa ambulansiya sa private hospital, diin duha ang nangamatay, ug ang duha ka mga insidente diin namatay ang duha ka nagbiseklita nga nahitabo sa Mandaue ug Consolacion.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph