NABULABOG ang kamingaw sa usa ka purok sa Barangay 76-A, Bucana, Davao City gumikan sa kabanha sa mag-partner nga nag-jerjer.
Sa miaging gabii, nabulabog ang usa ka purok kay nahibal-an sa mag-partner nga gibaklad sila.
Nasayran nga nabungkag ang kurom sa tulo ka mga lalaki ug usa ka ginang nga nagdula og madjong kay ilang nadungog ang utnga nga makapasiga sa mata.
Sa impormasyon nga nahipos sa SuperBalita Davao, banha kaayo ang mag-partner dihang nadunggan sa mga nag-madjong sa kilid sa ilang kuwarto.
Ang usa kanila, wa gyud nakapugong, nag-alingasa sa nadunggan nga utnga, mitindog ug namaklad.
Misunod sab og tindog ang tulo niini nga kadula diin nagdungan na sila og pagpamaklad.
Dihang namatikdan sa lalaki nga si alyas Jun, 45 anyos, mitindog kini, nag-tapis ug gigawas ang mga namaklad kanila.
Gikompronta ni Jun ang upat, hinungdan nga nabungkag ang kamingaw sa ilang purok alas 10 sa gabii.
Human gipa-blotter ni Jun sa San Pedro Police Station, milahos kini sa barangay aron pasumonan ang upat niya ka mga silingan.