DI LALIM ang nasinati karon nga krisis sa Pilipinas. Naa pa ang Covid-19, giharas ta sa bagyong Quinta, Rolly ug misud nasab si Siony.
Binilyon ka pesos ang kada-ot sa bagyong Quinta. Si Rolly mipatay og 10 ka kinabuhi ug bilyon pesos ang danyos.
Kaluoy sa mga lugar nga giguba sa maong mga bagyo. Wa pa gani makabangon naa nasab ang bagyong Siony.
Makamugna na sab kini og laing kadaut sa pag-igo unya niini sa yuta karong Huwebes, Nobiyembre 5.
Maluoy ta sa mga nahimong biktima. Nakakuha ko og report nahurot na ang kuwarta sa calamity fund kay nagasto sa Covid-19.
Kanunay nga nangandam ang kagamhanan sa siyudad sa Sugbo sa pagpanguna ni Cebu City Mayor Edgardo Labella.
Si Labella nagmando sa matag departmento sa paghimo og lakang sa mga tag-iya og building nga nakaingon sa grabing pagbaha sa siyudad.
Maayo ang gihimong lakang sa mayor kay ang building mikaon na sa lugar sa sapa. Gagmay na lang ang mga sapa sa siyudad sa Sugbo kay gipangkawat ang yuta sa tag-iya og building pinaagi sa pag-riprap
Good job, Mayor Labella, sa diplomasyang pamaagi sa pagpatawag sa building owners sa pag-cooperate sa lakang sa kagamhanan sa siyudad sa paghinlo.
BOLJOON 414TH ANNIV.
Bisan tuod og nagpabilin sa 5th class municipality ang lungsod sa Boljoon, wa kini matug aron molambo.
Sa karon nga liderato ni Mayor Merlou Derama, padayon ang gipaglambo nga nasugdan sa iyang uyoan si kanhi Mayor Wargong Derama.
Dili pa lamang dugay gi-inegorahan ang bag-ong nahuman nga renovation sa Boljoon Municipal Hall ang pinasidunggan dinapit si Gov.Gwen Garcia.
Giinegorahan sab ang gipangsemento nga mga karsada nga nagdugtong sa mga nagkadaiyang barangay.
Ang Kapitolyo nigahin og P55 milyon aron pagsuporta sa programa ni Derama aron masemento ang mga barangay sa Lower Becerril, Lunop, Upper Becerril, ug San Antonio. (efren_lonzon@mail.com ug 09235562777.