Ciar: Pamilya Padilla daug sa Eat Bulaga Social DisDancing

 DANCE CONTEST: Ang Pamilyang Padilla (tuo) atol sa Social DisDancing Contest sa Eat Bulaga. /  TAMPO
DANCE CONTEST: Ang Pamilyang Padilla (tuo) atol sa Social DisDancing Contest sa Eat Bulaga. / TAMPO

Nag-trending sa miaging semana ang pamilya Padilla sa Sugbo tungod sa ilang dakong kadaugan sa Eat Bulaga segment nga Social DisDancing Contest nga inspired sa Covid-19 pandemic.

Ang magtiayong Mark Juepre Padilla, 43, ug Abigail Padilla, 45, uban sa ilang duha ka mga anak nga silang JP, 23, ug Aby Mae, 20, nga nisayaw sa Rueda Dance Challenge mao say nag-top sa TikTok account sa maong noontime show nga dunay 3,107 reactions ug 37,000 views.

Niadto lang Marso nidaug usab sila sa It’s Showtime segment nga Corona BaBye Dance Challenge ni Vice Ganda.

Apan si Mommy Abigail mas sikat sa madlang pipol sa It’s Showtime isip labing unang Grand Winner sa KemboTita’s Dance Showdown niadtong 2016.

Di na hinuon ikahibong kon nganong mga banggiitan ni silang mananayaw tungod kay ang magtiayong Padilla mao man ang tag-iya sa nabantog nga D’ Abyss Concepts & Events Services sa Tres de Abril st., Labangon nga institusyon na sa natad sa kalingawan.

Sukad nahimugso ang D’ Abyss Concepts niadtong Pebrero 8, 2004 sunodsunod na ang ilang kadaugan ug pasidungog sa mga national competition apil na ang mga grupo sa nagkadaiyang kompanya ug eskuwelahan nga nikuha sa ilang serbisyo aron magpa-choreo.

Regular usab silang performer sa mga cultural event sama sa Sinulog Finale ug Dinagyang Festival ug sa mga corporate show nga naglakip sa Sun.Star Best of Cebu opening.

Ang ilang gugma sa sayaw ug pagsalig sa Dios maoy naghatag nila og lig-ong pundasyon isip usa ka malipayon nga pamilya kay bisan pa man kon usa ang ilang kompanya sa pinakaapektado karon niining pandemya nakakita pa gihapon silag paagi aron magmadaugon. Pamilya Padilla, Ssssuper Ka!

Unsay nagtukmod ninyo moapil sa Social DisDancing sa EB?

Nagka-interest mi kay daghan mi og friends nga nihangyo nga mo-join mi. Super close jud mi as a family mao dali ra nga nagkasinabot.

Pila mo ka adlaw nag-rehearse?

Last Monday lang pud. Mga 1 hour and a half dala sa pag-video namo. Nag-start mi 5:30 pm, nahuman mga 7 pm kay cut-off is 8pm. Then, gi-announce ang winners the next day, Tuesday.

Giunsa ninyo ang cash prize?

Gi-buy namo og mga grocery ug mga needs sa akong apo nga si Baby Avery.

Unsay feeling nga nag-top mo sa TikTok?

Maka-happy and proud. Nagpasalamat mi sa tanang mga taga-Cebu nga nisuporta namo, wa gyud mi nila pasagdi.

Unsa nang gradoha inyong mga anak?

Si JP graduate na sa BSMT (Bachelor of Science in Marine Transportation) then si Aby senior high school.

Pila na mo katuig nga married?

23 years. Nagkaila mi sa USJ-R kay pareho man ming dancer during our college days.

Unsay pinaka-highlight sa imong career?

Kadtong nidaug ko as first ever Kembotita sa It’s Showtime. That made me who I am today as one of the best choreographers nationwide. I’ve been handling na pud big events and productions.

Unsa mo kaapektado sa pandemic?

Affected gyud kaayo kay daghan sa among shows ang gipang-cancel. Pero samot mi nagka-close as family kay pirme na man magka-bonding. Dungan na mangaon ug No. 1 namo ang family prayer before mi matulog sa gabii.

Unsay mga struggle ninyo?

Since pandemic, we are struggling financially especially naa mi granddaughter nga gi-suportaan. Nag-struggle mi unsaon pag-cope up sa mga losses namo. But despite all this, we are still hopeful with God’s help.

Any upcoming shows?

Naa mi puhon but secret lang usa. But regular performer mi sa Pagcor Cebu but sa pagkakaron hold pa jud kay tungod aning pandemic.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph