USA ka mini Suroy-Suroy ang ipahigayon sa Kapitolyo sa isla sa Bantayan. Ning higayuna mas sosyal kay mag eroplano na.
Usa ka event ang gilaraw nga pagahimuon sa kagamhanan kauban ang Mactan Cebu International Airport Authority (MCIAA), Department of Tourism (DOT) ug Department of Transportation (DOTr) sa isla sa Nobiyembre 28.
Kini aron pagsuporta sa lakang sa Probinsya sa Sugbo pagpalambo sa turismo nga giisip nga labing unang probinsya sa nasud nga ni-bukas sa turismo taliwa sa hagit sa pandemya.
Usa sab kini ka paagi nga padayon nga makabangon ang ekonomiya sa lalawigan.
Sa inisyal nga impormasyon, eroplano na ang sakyan sa mga mosalmot sa maong kalihukan gikan sa MCIA paingon sa paluparan sa isla sa Bantayan.
“I am scheduling a meeting sa three mayors to discuss how we shall be able to do this mini suroy-suroy...This will be a flight taking off from Cebu to Bantayan,” matod ni Garcia sa Nobyembre 5.
Tungod sa quarantine protocol, limitado lang una ang makasalmot sa maong kalihukan
“We are trying to coordinate with the Office of the Presidential Assistant for the Visayas. We are hoping to schedule sa katong tourism summit between the four governors on the 27th and we will invite them if they would wish to join us ang governors and the tourism officers sa Bantayan,” matod ni Garcia./ANV