Binghay: Bantay sa peke nga papeles

SA kalisod sa panahon karon, daghan ang napugos pagpamaligya sa ilang mga kabtangan lakip mga sakyanan , alahas, balay og yuta.

Naay mihangyo nako nga magsuwat og lindog mahitungod sa proseso sa pagpalit og yuta aron malikayan ang ilad, dakong gasto og peke nga mga papeles.

Una mopalit og yuta, unahon pagpangita gikan sa ahente ang kopya sa titulo (bisag photo-copy lang una) unya tan-awa kung kinsa nakapangalan ang yutang gitanyag pagtino kung tinu-oray ba gayod kining gibaligya.

Sunod susihon sa opisina sa Registry of Deeds (RD), diin ang yuta na rehistro, kung wa ba kini problema ( na prenda, dunay laing nanag-iya o daghan ang tag-iya). Kinahanglan ang titulo limpyo og wa magtangag og kabilinggan. Itandi ang imong photo- copy nga gikuptan sa kopya sa RD kung parehas ba. Mahibaw-an nimo nga kini peke kung lain ang nakasuwat didto o prendado o dunay laing tag-iya.

Kung limpyo ang titulo, pangita dayon og Geodetic Engineer nga maoy mohimo sa relocation survey sa mga utlanan (muhon) og motan-aw kung maayo ba ang kondisyon sa yuta (wa ba milapas sa kural o wa bay laing nagtukod.

Kung ok na, maghimo na dayon og ‘Deed of Sale/Contract to Sell’. Hinumdumi nga kamong duha ang mo pirma ini, ang namaligya (seller) og ang mipalit (buyer) dayon paganotaryuhan.

Human sa usa buwan gikan sa pagnotaryo, bayran ang ‘Documentary Stamps’. Ang nagbaligya mobayad sab sa Capital Gain Tax ngadto sa Bureau of Internal Revenue (BIR). Ang BIR mo isyu dayon og ‘Certificate of Authority to Register’ nga maoy ipakita sa Registry of Deeds nga magmatuod nga tanang buhis nabayran na unya mahimo ng ibalhin ang pangalan sa titulo ngadto sa nakapalit.

Katapusang bayad ang transfer fees ngadto sa Registry of Deeds. Ang orihinal nga kopya sa titulo nga gikuptan sa tag-iya i-surrender ngadto sa RD samtang maghuwat sa bag-ong titulo nga i-isyu.

Dinhing tungura kinahanglan na og follow-up kay medyo dinhi mataud-tauran ang paghimo sa bag-ong titulo.

Goodluck!

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph