Ang nga taga Mandaue City, Cebu nga si Ribilen “Bingkay” Amit maoy labing unang babaye nga bilyarista sa Pilipinas nga nahimong world champion.
Si Amit, kinsa natawo niadtong Oktubre 3, 1981, nagsugod pagduwa og billiard dihang teenager na siya kauban ang iyang amahan nga si Bobby sa Super Bowl sa Makati City.
Sa kolehiyo, nagtungha siya sa University of Santo Tomas sa kursong accountancy.
Miapil siya sa 2000 ug 2001 nga mga edisyon sa College of Commerce and Business Administration’s billiards tournaments.
Human sa iyang pag-graduate niadtong 2004, nagtrabaho siya isip call center agent sulod sa usa ka tuig,
Nahimo siyang kampiyon sa World Pool Association (WPA) Women’s World Ten-ball Championship niadtong 2009 ug 2013. / ESL