KUNG padayon ang paglambo sa usa ka lugar, sama sa Isla sa Mindanao, tugbangan sab kini sa panginahanglanon sama sa hustong suplay sa enerhiya.
Base sa datus sa Philippine Statistics Authority (PSA) sa miaging tuig, natala nga ang Mindanao maoy top agricultural export diin ngari nagtubo ang dagkong mga produkto nga pang-export sa laing nasud.
Sa daan sab nga datus, natala ang tulo ka nangunang dapit sa Mindanao nga dunay dinagko nga pag-export og saging, kini mao ang — Davao Region, Northern Mindanao ug ang Soccsksargen.
Ang kusog ug paspas nga panginahanglang pang-export nakadugang sa pagpadako sa mga
industrial ug manufacturing sector sa Davao Region ug sa Mindanao sa kinatibuk-an.
Apan, ang pagtaas sa panginahanglan nagkinahanglan kini og igong suplay sa enerhiya, — usa sa unang pinaka-importante nga butang aron mapadali ang industriya ug bisan sa pagmugna og mga infrastructure sa mga dapit.
Kini ang na-obserba sa pipila ka mga business sector sa Davao Region, diin sumala sa business and tourism leader nga si Joji Ilagan-Bian nga kinahanglan gayod ang stable power supply.
“For an economy to continue to develop and grow, it’s essential to have a very stable power supply. This fuels our economy particularly the industrial and manufacturing sector. A country's GDP is also affected by the stability of its power supply,” sumala ni Ilagan-Bian.
Si Bian, former chair sa Mindanao Business Council, nagbutyag nga ang “sporadic power supply” sa mga areas sa Mindanao, usa na ka dugay nga problema.
Giingon niini, nga naandan na nga mga brownouts ug low service connections, problema sa generation ug transmission ug bisan sa high cost sa enerhiya, daan nang nakaapekto sa investments ug economic prosperity sa mga apektadong mga lugar.
“WIt’s a more complex problem that has been haunting the business community, (and it) would require a practical solution,” dugang niya.
Dili lang ang anaa sa mga business ug manufacturing sector ang nakasinati sa daan nang problema, apan lakip kadtong mga pobre nga konsumante.
Una paman mahuman ang termino ni Pangulong Rodrigo Duterte, unta ang gobyerno mangita og sistema ug estratihiyang teknolohikal aron makubsan ang paggamit sa enerhiya, aron ang mga negusyante maka-luwas ug makadaginot labi na sa post-pandemic environment.