TUIG karon sa daghan hagit sa mga komunidad sa tibuok kalibotan. Ang nasod nagpadayon sa pakigbisog batok sa pandemiya, mga bagyo ug ubang kalamidad. Dunay mga industriya nanira o nanaktak og mga trabahante ug napugos sa paghimo og kausaban aron makasustiner.
Pinaagi sa Shell Virtual Art Interact niadtong Nobiyembre 7, ang Visayan artists mao ang gitutokan sa ilang mamugnaong obra sa mga talagsaong istorya sa paglaum, kaisog ug kaluwasan. Kining maong hugna sa Virtual Art Interact natutok sa Visayan region isip ikatulo sa mga serye sa virtual workshops sa Shell subay sa iyang ika-53 National Students Art Competition (NSAC).
Nisiak sa iyang naandang art symposia nga nahunong tungod sa lockdowns ning kuwarentina, ang Virtual Art Interact mipakita sa nagkalainlaing komunidad sa artists sa Pilipinas diin naghatag kanila og pagsaysay sa pagkigbisog ug mga kadaugan.
Sa Luzon, gihimo sa Oktubre 7, ug Mindanao niadtong Oktubre 17.
Host mao ang inilang creative director nga si Andrei Paminutan, nga nag-feature og live sketching demonstration sa mga artist ug mga tinun-an.
Si Sankie Simbulan, Country Social Performance and Investment Manager sa Pilipinas Shell, nipasabot sa rason luyo sa paglusad sa kalihokan.
“It is important for us to expand outside the local art periphery. Virtual Art Interact was a chance for us to show people that there is so much more to the Philippine creative scene..” matod ni Simbulan.
Isip longest-running student art competition sa Pilipinas, ang NSAC nag-ugmad sa henerasyon sa Filipino artists, curators, ug collectors. Nagsuporta sa komunidad ug pagpalambo sa kahibalo sa kahanas sa tawo.
Ang Kabisay-an gigasahan og artists sama sa Cebuano painter Martino Abellana, Boholano mixed media artist Henri Cainglet, ug Negrense abstract expressionist artist Alfonso Ossorio, ug uban pa. (PR)