Gomez misupak, moatubang kon kasuhan sa IATF

ORMOC City, Leyte - Dismayado si Ormoc City Mayor Richard Gomez sa kagustohan sa National Inter-Agency Task Force on Covid-19 nga paluagan ang pagpasulod sa mga Authorized Persons Outside Residence (Apor).

Sa gipahigayon nga meeting sa Ormoc City Covid-19 Task Force sa miaging Martes, Nobiyembre 3, gipalanog ni Gomez ang iyang pagkadismaya sa mando sa IATF.

Sa miaging semana, natala sa dakbayan ang pagsaka sa kaso sa Covid-19 ug pinakadaghan nga nataptan mao ang mga Apor.

Usa ka mabdos ang naigo sa virus diin base sa report sa City Health exposed kini sa usa ka Apor magbiyahian sa lugar nga naay local transmission apan ang maong Apor nag-reactive sa rapid test apan negative sa iyang swab sample.

Ang mabdos naa sab kauban sa balay nga usa ka APOR nga nurse sa usa ka pribadong hospital apan negatibo gihapon sa virus ang swab sample niini.

Sa 19 nga close contact sa mabdos, tulo niini ang nagpositibo sa virus nga naa ra sab sa iyang gipuy-an.

Tungod sa maong hitabo, ang Ormoc Covid-19 Task Force pinaagi ni Dr. Edmund Keirulf nagdeklara nga naay local transmission sa Ormoc ug nagpadayon ang contact tracing.

“You see the result. In less than two weeks, we have 300 plus primary contacts,” matod ni Gomez.

Gihangyo niya ang Department of Interior and Local Government (DILG) officer sa Ormoc nga himoan og report ang ilang meeting diin iyang ipaabot sa IATF nga tungod sa mando nga paluagan ang protocol, nidaghan ang kaso sa Covid-19 sa Ormoc.

“Our health system is starting to fail. Right now wala kaming rescue kasi lahat primary contacts eh, so naka-isolate sila lahat. Who is going to serve the people of Ormoc if there is ang emergency? Because they have to be isolated,” matod ni Gomez

Tungod sa hitabo, ibalik sa mayor ang ka estrikto sa protocols sa border.

“I think we will have to go back to our strict protocols. I’ll go against what the IATF is saying, if you want to file a case against me, file a case against me but I’m going to protect the people of Ormoc,” dugang sa mayor.

Sa paghimo ning balita, 27 na ang aktibong kaso sa Covid-19 sa dakbayan diin sagad niini mga Apor.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph