NAANGKON sa Barangay Babag ang kampyonato sa labing unang Mobile Legends Tournament nga gipasiugdahan sa Lapu-Lapu City Government ning bag-uhay lang sa Hoops Dome.
Nalupig sa Barangay Babag ang laing 31 ka partisipanteng mga barangay aron angkunon ang P30,000 nga ganti.
Miangkon sa ikaduhang dapit ug P20,000 nga ganti mao ang Barangay Pajo samtang ang nakakuha sa ikatulong dapit og P10,000 nga premyo mao ang Barangay Basak.
Ang wala nakasulod sa Top 3 nakabulsa og P3,000 nga consolation prize matag usa.
Ang Mobile Legends maoy sikat karon nga duwa sa tibuok kalibutan hinungdan nga nagpahigayon og kompetisyon kabahin niini si Lapu-Lapu City Sports Commission (LLCSC) commissioner Vince Chan Carungay.
Aduna pa’y dugang sporting events nga ipahigayon ang LLCSC sa umaabot nga mga adlaw. (Alan Tangcawan)