SUPERBALITA CEBU

Duterte nanawagan na og tinabangay

INSPEKSYON: Mao kini ang nakita ni Presidente Rodrigo Duterte sa iyang paglibot sakay sa presidential chopper libot sa Metro Manila. Daghan sa mga dapit ang gibhaan, kadaghanan sa mga balay atop na lang ang nakita. /

Si Presidente Rodrigo sa Huwebes, Nobiyembre 12, 2020 nanawagan na og bayanihan ug iyang gipaniguro nga ang “government is on top of the situation” taliwa sa lapad nga kadaut dala sa Bagyong Typhoon Ulysses sa Metro Manila ug ubang bahin sa Luzon.

“As President, I guarantee you that your government will do its best to provide assistance in the form of shelters, relief goods, financial aid and post-disaster counsel. Rest assured, the government will not leave anybody behind,” matod niya sa gisibyang pagpamulong sa telebisyon human siya mamulong atol sa virtual 37th Asean Summit.

“We will get through this crisis, I assure you. As one nation, kapit po tayo. Mga kababayan, mag-bayanihan po tayong lahat,” siya nidugang. Ang bayanihan maoy naandang batasan sa mga Pinoy nga kahiusahan ug panagtinabangay.

Niadtong Nobiyembre 8, 2013 nikuso-kuso ang bagyong Yolanda sa Kabisay-an, diin nagrabehan ang Leyte. Gibana-banang di mominos sa 15,000 ang patay, apan ang kagamhanan nihatag lang sa 6,000 kapin nga gidaghanon.

Tungod sa grabeng kadaut, tibuok nasod ug ang international community nagkahiusa sa pagtabang sa mga apektado.

Usa sa mga prominenteng tawo nga niadto mao si Duterte, dihang mayor pa siya sa Dakbayan sa Davao.

Si Duterte niduaw sa Leyte upat ka mga adlaw human sa pagkuso-kuso sa bagyong Yolanda.

SEGUROANG LUWAS

Iya usab nga giawhag ang tanang local government units ug hingtungdang mga ahensya nga unahon ang kaayuhan ug kaluwasan sa apektadong populasyon.

Sa iyang mga kritiko, si Duterte niingon nga ang kagamhanan nagbantay og maayo sa sitwasyon.

“May mga nagsabi na walang ginawa, natutulog. Wala kaming tulog dito,” siya niingon.

Si Duterte niingon nga ang tanang kapanguhaan sa kagamhanan, apil na ang bag-ong mga barko sa Philippine Coast Guard (PCG) ug bag-ong mga helicopter sa Philippine Air Force (PAF) andam kanunay alang sa dinaliang pagtubag.

Si Duterte niingon nga ang kasundaluhan, kapulisan ug emergency responders naka standby aron motabang bisan wa pa moigo ang bagyo.

“The goods are there, people have been mobilized and deployed, kaya pagdating ng bagyo, nand’yan, nagtrabaho na sila,” siya nagkanayon.

Nangindahay si Duterte nga siya makagawas, apan ang iyang doktor ug Presidential Security Group (PSG0 nagdili kaniya tungod sa risgo nga siya matakdan sa coronavirus disease 2019 (Covid-19). / MVI, SunStar Philippines, REV


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph