Dear Noy Kulas,
Tagoa lang ko sa ngan nga En-en, 27 years old, minyo na apan buwag mi sa akong bana.Toa na siya sa Manila nagpuyo two years ago ug duna silay anak sa iyang babaye. Last month nanawag nako ang babaye kay iya kunong iuli ang akong bana kay nahasol na sila kay masakiton na og cancer ug mga one year na lang ang taning sa iyang kinabuhi.
Akong gisultihan ang akong duha ka mga anak nga gusto mobalik ang ilang papa ug pwerte nilang lipaya but wa ko mosulti nila sa sitwasyon sa ilang amahan. Ang family sa akong bana nanghangyo nga dawaton ko ang akong hubby ug silbihan kay total hapit na man mamatay.
To be frank, Noy, naa pa ko sa kalagot sa akong bana ug iyang family nga way gihimo niadto. Ila pang gidepensahan ang akong hubby. Kon ikaw ang pangutan-on, unsa man akong dawaton? Unya nagtrabaho man ko ug nag online selling. Naa pa kaha koy time for him? Please tambagi ko. Daghang salamat.
EN-EN
En,
Pasayloa ang imong bana sa iyang gibuhat. Apan bisan tuod asawa ka, ikaw u gang iyang pamilya kinahanglan nga dunay shared responsibility kay siya ang nibiya sa inyong balay, di ikaw. Wa sab nimo sila papahawaa. Unya karon nga masakiton na, pabalikon na nimo ug ikaw ra ang mag-atiman? Maayo untag wala moy mga anak nga gibuhi.
Mao na ang isulti kanila. Ayaw ugoma ang tanang problema kon pag-atiman sa imong bana ang hisgutan. Kay aron usab di ka tanga nga ilang tan-awon. Naa man sab kay sakto kaayong rason nga mao ang inyong duh aka mga anak nga nagkinahanglan og atiman.
NOY KULAS