Pasado alas 7:00 ang takna sa buntag niadtong Huwebes, Nobiyembre 12, gipaambit diri nako ni Cebu City Councilor Joel Garganera ang iyang dakong kabalaka sa kalit nga pagsaka sa mga kaso sa Covid-19 sa dakbayan sa Sugbo.
Kini basi sa talaannga nahipos sa sayong bahin ning semanaha itandi sa nakalabayng mga semana diin gaan kaayong paminawon ang inanay nga pagkunhud sa mga kaso.
Hilabihang sayoha nako nakabati sa iyang sentemento labot ning maong isyu. Ilabi na sa iyang paghisgut nga kong padayon nga mokompiyansa ang katawhan labot sa makamatay nga virus, malagmit mag Pasko ta nga may lockdown nga ipatuman.
Sa akong kaugalingon, kini nga pamahayag sa Chief implementer sa Emergency Operations Center (EOC) sa Cebu City Hall, siguradong piyestahan sa mga reporter sa mosunod nga mga oras.
Ang maong kasayuran nga iyang gipaambit kabahin sa sunod sunod nga pangutana nga akong giduso ngadto niya sa parking area sa EOC diin kami nagkita.
Gituyo nako siya nga atngan sa gawas sa EOC building basi sa akong hangyo nga siya ma-interview sa pipila ka isyu may labot ang iyang trabaho ning panahon sa pandemiya.
Kuyog nakop ang akong cameraman nga si Boy Marquez, amo na nga gisana sana ang posibling dapit asa himuon ang interview sa may parking area. Kabahin kini sa usa ka special report nga akong gitrabahon karon labot gubat batok sa pandemya dinhi sa dakbayan sa Sugbo.
Nagsugod ang interview sa isyu sa pagbuto sa labing unang kaso sa covid19 didto sa sitio Zapatera sakop sa Barangay Luz niadtong bulan sa Abril.
Gisundan ni sa daghang gimbuhaton nga gipasiugdahan sa kagamhanang lokal pagpakig-away sa virus. Hangtod nga mahisgutan ang 28 ka mga bag-ong kaso basi sa talaan niadtong Nobyembre 11. Tuod man ang iyang pasidaan sa posibling pagbalik sa lockdown maoy pinaka init nga bahin sa interview.
Nakasabot ko sa gibati sa konsehal tungod sa mga report nga iyang nadawat sa daghang kalihukan nga klarong nilapas sa health protocols nga angayan unta tamdan kanunay. Nihisgut siya og mga party sud sa mga panimalay nga inanay na sab nga gihimo sukwahi niadtong mga panahon nga gihabulan pa sa tumang kahadlok ang mga tawo gumikan sa grabing pagsaka sa listahan sa mga natakdan ug nangamatay.
Gipasalamatan nako si Konsehal Joel ug gipaambit ang isyu sa posibling lockdown nga iyang gihisgutan ngadto sa akong mga higala sa usa ka carenderia nga among giduaw human sa interview. Ilang reaction, dakong supak sa lockdown.
Ang gipiyestahan sa mga netizens diha sa social media. Kinsa man guy gusto og lockdown labi na kong nagkutoy ang imong tiyan. Ang pagsupak katungod sa tanan. Pero kong apil ta sa hinungdan nganong nahisgutan og balik ang posibling lockdown.