Editoryal: Katalagman

Editoryal Kartoon ni Gilbert Manantan
Editoryal Kartoon ni Gilbert Manantan

Ang Pilipinas nahimotang sa dapit sa kalibotan nga kanunay mahitabo ang katalagman. Duol sa Pasipiko nga diin maumol ang bagyo. Dili mominos kapin sa 20 ka mga bagyo nga moigo sa nasod matag tuig. Ang nasod naa kilid sa labing dakong plate sa kalibotan o naa sa ring of fire diin makita ang daghan bulkan.

Ug kon molihok na ang kinaiyahan, bisan ang labing lantip nga tawo sa kalibotan way igong gahum sa pagsanta. Isip tawo, giahatagan kita og kalantip sa pangutok aron makapangandam. Kaminosan ang epekto sa kinabuhi ug kabtangan. kini ang butong nato nga mahimo.

Dili pa lang dugay ang Metro Manila ug dakong bahin sa Luzon gilkusokuso sa nagsunodsunod nga bagyo. Ang ulahi mao si “Ulysses” ug dugang pa nga gipaabot nga nasulod sa Philippines Area of Responsibility (PAR) gikan sa Pasipiko.

Si Ulysses walay kaluoy nga nikusokuso sa kaulohan sa kusog nga hangin ug uwan nga hinungdan sa paglunop sa mga ubos nga dapit sa Metro Manila. Gibanabana na kini nga epekto sa Philippine Atmospheric, Geophysical and Astronomical Services Administration (Pagasa).

Wala ba kaha maseryuso ang pasidaan sa Pagasa? Hinuon, ang leksiyon way kataposan.

Samtang, ang Philippine Institute of Volcanology and Seismology (Phivolcs) nipasidaan na usab alang sa Alert Level 1 sa Kanlaon Volcano, nagpasabot nga abnormal nga kondisyon ug nag-ung-ong ang dakong pagbuto. Ang local government units (LGUs) ug publiko nga nasudlod sa 4-kilometer radius Permanent Danger Zone (PDZ) hugot nga gipasidan-an.

Maayong mangandam sa posibling lain pang katalagman nga dunay direktang epekto sa Central Visayas. Gawas sa pagpangandam, ang pag-ampo dako og matabang sa pagminos sa epekto sa katalagman--malayo kita sa dautan. Ang Kahitas-an maoy labawng nasayod sa tanan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph