ANG Globe nakakuha og dili mominos 252 permits gikan sa nagkalainlaing lokal nga kagamhanan sa nasod aron pagtuman sa ilang saad nga target nga dugang cell towers sa mga nag-unang dapit sa nasod ning ulahing bahin sa quarter sa 2020.
Ang mga lalawigan sa Cavite, Batangas, Laguna, Rizal, Bulacan, Isabela, South Cotabato, Pangasinan, Misamis Oriental ug Bataan mao ang nakahatag og mas daghang permiso samtang ang Manila, Mandaluyong ug Parañaque nag-una sa mga dakbayan sa buwan sa Oktubre.
“We are always grateful for the support of these LGUs that recognize our network expansion..” matod ni Joel Agustin, Globe Senior Vice President for Program Delivery, Network Technical Group.
Sa Cavite, dili mominos 30 ka permits ang naisyu, 20 sa Batangas samtang sa Laguna dugang 19 ug ang Rizal, Bulacan, Isabela, South Cotabato, Pangasinan, Misamis Occidental, Bataan ug Cagayan nihatag og dili mominos lima ka permiso matag dapit.
Ang Manila nag-una sa mga dakbayan uban sa 12 permits, gisundan sa Mandaluyong nga 10 ug Parañaque nga 6.
Sa kinatibuk-an, ang Globe gitugotan og dili mominos usa ka permiso sa 27 ka mga lalawigan ug 25 ka dakbayan sa South Cotabato, Misamis Occidental, Guimaras, Antique, Agusan del Sur, Abra, Daanbantayan ug Minglanilla sa Cebu.
Ang kompanya dunay tulo ka pamaagi sa pagpalambo sa iyang network ug pagpalapad niini sama sa agresibo nga pagpangtukod og cell site builds; upgrading ngadto sa 4G/LTE ug pagpadali sa fiberization sa kabalayan sa mga Filipino sa nasod.
Ang Globe nagsuporta sa United Nations Sustainable Development Goals, labina sa UNSDG No. 9 nga nagtutok sa roles of infrastructure and innovation isip panginahanglan sa pagtubos sa ekonomiya ug kalamboan.
Ang Globe komitado sa pagpalambo sa 10 United Nations Global Compact principles ug 10 UN SDGs. (PR)