2 NPA natusak-tusak sa bala, patay

Hulagway sa 27th Infantry Battalion
Hulagway sa 27th Infantry Battalion

PATAY ang duha ka mga sakop sa New People’s Army (NPA) sa natigayong engkwentro tali kasundalohan alas 9:40 sa buntag, Nobyembre 15, 2020, sa Sitio Lower Mapula, Brgy Mapula, Paquibato District, Davao City.

Sa taho gikan sa 27th Infantry Battalion sa 10th Infantry Division, Philippine Army, ang duha nga napatay giila sa ilang kanhi kaubanan nga sila Archie Sagan-a alyas Bogard, team leader sa Baking Squad Tersera ug residente sa Sitio Saluruyan, Barangay Sto. Domingo, San Fernando, Bukidnon; ug usa ka Ryan Ligkat alyas Ryan, squad leader sa Tersera gikan sa Sitio Peroy, Barangay Palma Gil, Talaingod, Davao Del Norte.

Ang duruha pulos miyembro sa Guerrilla Front (GF) 55, Sub-Regional Committee (SRC) 5 sa Southern Mindanao Regional Committee (SMRC).

Mga high-powered firearms mga subersibong dokumento ang narekober uban sa duha ka patay’ng lawas sa duha nga gidala dayon sa usa ka punerarya sa Panabo City.

“While the government forces will extend its might to those who will attempt to terrorize the community and insist in armed revolution, we also extend our helping hands to those who intend to surrender,” sumala ni Ltc Victorino Seño, INF (GSC) PA, Commander, 27IB, 10ID, PA.

Sa laing bahin, una niini, Sabado sa buntag didto sa Sitio Quibolog sa samang barangay dugang impormasyon, nga usa ka kanhing Mindanao Interfaith Services Foundation Incorporated (MISFI) scholar ug laing usa ka magtutudlo sa usa ka buhatan sa Father Selga Street, Barangay 8-A ang nasikop sa natigayong engkwentro.

Giila sa otoridad ang mga dinakpan nga sila alyas Marlon, 22, usa ka squad medic, Treseran ug usa ka alyas May, 21, supply officer sa GF55 ug usa ka part-time teacher.

Gisaysay sa duha ka dinakpan nga gawas kanila nga nabulag sa maong grupo, duna usab pa sila’y kauban nga naangol human ang engkwentro.

Giawhag sa kasundalohan ang uban pang sakop sa NPA nga mobalik na sa sabakan sa gobyerno gumikan dunay naghulat kanila nga mga livelihood program.

“Take advantage of the offer of the government through the Enhanced Comprehensive Livelihood Program (E-Clip) and be with your loved ones. It is the best gift that you can give to your family waiting for you and longing for your presence, particularly this coming holiday season,” mensahe ni Brigadier General Nolasco Mempin, ang commander sa 1003rd Brigade. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph