IPAKITA sa courier service nga J&T Express Philippines, nga labing nailhan sa kaepektibo sa paghatud og mga parsela bisan ngadto sa mga hilit ug lisud nga maabot nga mga lugar sa nasud, ang ilang Certified Lokalista Campaign sa webinar atol sa ilang pinakagihulat nga duha ka adlaw nga "sale" niadtong Nobyembre 11.
Ang kampanya, gisugdan niadtong Oktubre 16, 2020 ug molanat hangtud sa Enero 14, 2021, nagdasig og mga tawo nga mopalit og lokal, makigsuki, ug mosuporta sa small-to-medium-sized entrepreneurs, aron nga mapromotar ang mga rehiyonal nga produkto ngadto sa mas daghan pang tumatambong.
Hagbay nang nagdani ang J&T's Certified Lokalista campaign og mga negusyante gikan sa Luzon, Visayas, ug Mindanao, kadaghanan kanila nagpromotar ug nag-apud-apod sa ilang mga tinda sa uban pang mga isla ug rehiyon gawas sa ilang kaugalingong lugar sa unang higayon.
Gitumbok ni Officer-in-Charge Executive Director Nelly Dillera sa Department of Trade and Industry's Philippine Trade Training Center (DTI-PTTC) ang usa sa mga pinasahe nga "factor" nga nagtakda niining bag-ong "e-commerce explosion" gawas sa parehong uso.
Matud pa niya: "Culture is the basis of how we can and should develop products, from food to wearables. What is important is preserving them while adapting to the new global economy. E-logistics has made it possible for local products and crafts to be brought to the homes of the people."
Uban sa 75,000 online entrepreneurs nga karon aktibo sa digital marketplaces, ang DTI mismo, nga nagtutok sa eksport, "did a backward integration on helping people to start their own business and onboard e-commerce," dugang pa ni Dillera.
Usa sa suporta nga ihatag sa DTI-PTTC niining maong mga bag-ong negusyante mao ang pagbansay sa "vital" nga mga lugar sama sa "digitization" sa ilang mga proseso; paggasto sa negusyo ug operasyon; pagbaligya sa ilang negusyo; human resources sa negusyo ug organisasyon; ug magtrabaho sa logistics ug supply chain.
Gikanayon ni Zoe Chi, vice president sa J&T Express Philippines, ang Certified Lokalista campaign naghugyaw sa subsob nga trabaho, kamamugnaon, ug nasyonalismo sa online sellers.
Si Panel moderator Amor Maclang, ang co-founder sa Geiser Maclang Communications Inc., nagklaro nga ang nagkataas nga pag-ila sa "digital double-day sales," gilunsad sa samang adlaw sa maong bulan sa nagkadaiyang online marketplaces, hagbay nang oportunidad kon diin mga mangoprahay makasuporta sa mga negusyante sa rehiyonal.
Gisugdan ang kampanya sa Certified Lokalista sa 2020 pinaagi sa paghatag og pasidungog sa mga negusyanteng Pinoy uban sa Certified Lokalista badge nga nag-ila kanila isip sinaligan sa J&T nga mga tigbaligya.
Kini nga mga Certified Lokalistas, kansang madasigon nga trabaho naghawan og dalan alang sa pagpromotar sa mga produktong Pinoy, pasidunggan og P20,000 kantidad sa libreng "shipping" sa J&T Express.
Kini nga mga komendasyon gidesinyo aron nga makaimpluwensiya og daghan pangtigbaligya aron nga magrepresentar sa ilang kaugalingong rehiyonal nga mga produkto sa online.
Gihulagway ni Chi kon unsa ka mahagiton ang dala sa krisis sa coronavirus apan ang lockdowns nahimo hinuong oportunidad alang sa mga negusyo aron nga makadiskobre og bentaha sa e-commerce ug e-logistics. (PR)