Gipahimangnoan karon ni Mario Napule, ang pangulo sa City Traffic Managememt System (CTMS), nga likayan una sa mga motorista ang kadalanan palibot sa simbahan sa Birhen sa Regka sa Biyernes ug Sabado, Nobiyembre 20-21.
Aduna mga kausaban sa dagan sa trapiko sa mga lugar palibot niini subay sa kapistahan sa patron sa dakbayan sa Lapu-Lapu. Ang mga tricycle nga nagbiyahian sa dakbayan ilang gibahin ang sakyanan sa mga pasahero. Sa may Gusa alang sa mga tricycle nga magbiyahean sa Brgy Pajac, Bankal, Agus ug Maribago.
Samtang, ari na sa may Hoopsdome ang sa mga mobiyahe sa Basak, Marigondon, Ylaya Sudtonggan, Suba Panas ug Basbas.
Sa may Meco usab ang mopaingon sa Sewage, Matumbo, ug Sangi ug sa may S. Osmeña ang mobiyahe paingon sa Timpulok, Locatha, Ka-Lolo C.Y Potot.
Ant tanang motorista (gawas sa PUJ ug Filcab) gikan sa Mepz 1, Pusok ug Mandaue paingon sa Merkado, Kalawisan, Babag ug Cordova mahimong makalahos sa Dela Serna St.
Ang mga motorsita (gawas sa MI 03B) gikan sa Cordova, Babag, Kalawisan paingon sa Mepz 1, Cebu o Mandaue mahimong mo right turn sa A. Tumulak St., agi sa Merjen lahos sa District Hospital o pwedi usab molahos sa G.Y Dela Serna St., agi sa P. Rodriguez St.
Ang mga motorista gikan sa Cordova, Babag, Kalawisan paingon sa merkado publiko sa dakbayan o simbahan mahimong modiretso sa Canjulao, agi sa junction sa GY Dela Serna St., left turn sa R. Dela Serna St ug paingon sa designated parking area 1 ug 2.
Ang mga motorista paingon sa simbahan gikan sa ubang lugar mahimong makadiritso sa GY Dela Serna, right turn sa R. Dela Serna St., ug lahos na sa designated parking area 1 o ba kaha lahos sa R Dela Serna St., left turn sa BM Dimataga St., ug paingon sa desiganted parking area 2 (karaang Shell oil depot).
Ang rota usab sa grand motorcade sa Nobiyembre 20 sa alas 4 sa hapon adto manukad sa simbahan, Lopez Jaena St., P. Rodrguez St., paingon na sa Cordova.
Gikan sa Cordova mo left turn kini paingon sa Marigondon diretso sa Mactan cimcumferential road, left turn sa Big Foot, Sea Breeze, Buaya, Ibo, Mepz Gate 4,3,2,1, Marinal Mall, Pusok, 2nd Bridge, 1st Bridge, GY Dela Serna St., right turn sa S. Osmeña St. Ug balik na sa simbahan.
Gipahibawo usab ni Lapu-Lapu City Mayor Junard Chan nga regular working day ang Nobiyembre 20 ug dilii holiday sama sa naandan.
Gihimo kini sa CTMS maluagan ang dapit sa simbahan nga naandang dugukon sa mga deboto sa bisperas ug kahulogan sa kapistahan sa Birhen sa Regla samtang ipatuman usab ang minimum health protocol nunot sa Covid-19 krisis. / GCM