5 pa ka TPUJ nakapasar sa vehicle inspection

Gi check sa LTO, LTFRB ug CCTO ang mga TPUJ  ug apil usab nga gi comply sa mga drivers og operators ang ubang mga requirements aron makabalik na ug pagpamasada sa Cebu City sa may Xiamen street, North Reclamation area, Cebu City, Nobiyembre 20, 2020. (Amper Campaña)
Gi check sa LTO, LTFRB ug CCTO ang mga TPUJ ug apil usab nga gi comply sa mga drivers og operators ang ubang mga requirements aron makabalik na ug pagpamasada sa Cebu City sa may Xiamen street, North Reclamation area, Cebu City, Nobiyembre 20, 2020. (Amper Campaña)

Lima pa lang ka mga traditional public utility jeepney (TPUJ) sa 45 nga gi-inspect sa Biyernes sa buntag, Nobiyembre 20, 2020 ang nakapasar sa motor vehicle inspection sa Land Transportation Office (LTO) ug Land Transportation Franchising and Regulatory Board (LTFRB) one stop shop sa North Reclamation Area, Dakbayan sa Sugbo.

Sa lima, tulo pa ang unang makadagan kay duna pay kuwang nga pipila ka mga dokumento ang mga drayber. Ang tulo mahimo nang masakyan og mga pasahero.

Matod ni Konsehal James Cuenco, tsirman sa Cebu City Jeepney Task Force, nga sagad sa mga sakyanan nga gi-inspect dunay depekto nga kinahanglan ayuhon.

Ang mga TPUJ nga gipang-inspect karong adlawa nagrota og Guadalupe ug Lahug, mga dapit nga gitumbok nga labing daghan og mga sumasakay.

Sa pagsuwat ning taho, nagpadayon pa ang pagsusi sa ubang mga TPUJ.

Samtang gibutyag ni Cuenco nga sa 235 ka mga drayber nga gi-swab test sa Emergency Operations Center (EOC) niadtong Nobiyembre 16, pito ang positibo sa coronavirus disease (Covid-19).

Ang pito di makapamasahero kay usa sa rekisitos nga makabalik mao ang pagnegatibo sa Covid-19). (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph