#IsportsKasaysayan: Rekord sa PBA nga gituohang dili na mabuak

Daghang mga rekord sa Philippine Basketball Association (PBA) ang gituohang dili na mabuak ug magpabilin kini hangtod sa kahangturan.

Usa niini gipanag-iya ni Ramon “El Presidente” Fernandez, kinsa maoy all-time scoring leader.

Sa iyang pagretiro sa PBA niadtong 1994, ang produkto sa University of San Carlos (USC) Warriors nagbawon og 18,996 ka mga puntos sa kinatibuk-an. Iya kining natigom human sa 1,074 ka mga duwa.

Giingon nga sagol milagro na kon aduna pa’y magduduwa nga makaapas niini.

Si Fernandez, 67, kinsa karon komisyoner sa Philippine Sports Commission (PSC), nagsugod sa iyang karera sa PBA isip usa sa mga pambato sa Toyota Comets (nga nahimong Tamaraws) pagsugod sa liga niadtong 1975.

Gikan sa Toyota, nabalhin si Fernandez sa Manila Beer Brewmasters, Tanduay Thum Makers, Purefoods Hotdogs ug sa San Miguel Beermen.

Ang 4-time PBA MVP nahimong sakop sa national teams nga ningkombati sa 1972 ABC Under-18 Championsips, 1973 ANC Championships, 1974 Fiba World Championships, 1974 Asian Games ug 1990 Asian Games. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph