SUPERBALITA DAVAO

Gipainom og naay bitsen, gilugos

Hulagway iya sa Sta. Ana Police Station

GIBUTANGAN og bitsen ang gipainom nga alak sa 15-anyos nga dalagita nga na-rescue sa duha ka tanod sa Barangay Leon Garcia, Agdao District, Davao City.

Biyernes sa buntag, Nobiyembre 20, 2020, midangop ang 15-anyos sa kapulisan sa Sta. Ana Police Station ug misaysay sa iyang nadangatan sa mga kamot sa mga barangay tanod.

Sumala ni Barangay Leon Garcia Kapitan Lita Empis nga wala siya masayod sa hitabo niadtong Sabado sa gabii sanglit nakauli na siya sa ilang balay gikan sa pag-duty niini.

"Mga alas 10 sa gabii niuli nako sa balay, ang kining 15-anyos na-rescue ni sa duha nako ka tanod sa may flyover, giingon nga hubog ning daan ang 15-anyos," ingon sa kapitan Biyernes nga nahinabi sa Superbalita Davao pinaagi sa telepono.

Dugang ni Empis nga nasayod na lang siya sa hitabo dihang napahibalo na siya kagahapon sa pulis nga dunay nahitabo sa iyang barangay nga gikalambigitan sa iyang duha ka mga barangay tanod.

"Naa ang isa ka suspek sa ilang balay, anytime dakpon siya gihulat lang ang warrant of arrest kay milapas sa reglementary period ang pagpasaka og reklamo aron masikop ang suspek, ang isa pod, at large, misibat," ingon ni Empis.

Nasayran nga dihang nakita sa duha ka tanod ang biktima, gidala nila kini sa barangay gumikan kay curfew hour na niadtong mga orasa.

Miuban ang biktima kinsa giingon nga gipainom siya og alak sa duha ka mga tanod ug alegasyon nga gibutangan pa og bitsen.

Dihang nahubog na ang biktima, giingon nga gipulipulihan kini og lawasnong panamastamas sa duruha.

Dugang nasayran nga duha ka adlaw gilumloman ang dalagita sa mga suspek sa barangay hall ug dihang gipauli, gibaharan pa kining patyon kon mosumbong sa nahitabo.

Gumikan sa kahadlok, gilayong midangop sa Sta. Ana Police Station ang biktima ug misaysay sa iyang nahiagoman sa kamot sa duha ka mga barangay tanod.

"Silutan gyud ang nakasala nato nga tanod, kinahanglan gyod makab-ot ang hustisya," panapos sa kapitan.

Nasayran nga dayo ang biktima sa Davao City aron mo-eskuwela ug manarbaho, kinsa ning kasamtangan manindahay og bulak.

Ang Women and Children's Protection Desk sa Sta. Ana police padayong naghimo og affidavit sa biktima alang sa tukmang kaso nga ipasaka batok sa duha ka mga tanod.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph