Dismayado di lang ang ang mga drayber labaw na ang nga pasahero sa kalit nga pahibalo nga dili pa makasugod og biyahe ang mga dyip sa dakbayan sa Sugbo niadtong Huwebes, Nobiyembre 19.
Usa ko sa liboan ka pasahero nga nag-atang sa maong petsa taliwala. Ang rason kay duna pay daghan tiwasunon nga mga rekesitos apil na ang resulta sa swab test sa mga drayber. Dugay na tawon nga nagpaabot nga makabalaik og biyahe ang mga dyip.
Ang mga nanarbaho nga nagdawat lang og minimum nga suholan. Mao ra ni bugtong paagi nga mabadbad ang gapos gikan sa pagkaulipon sa daghan kaayong pletihan wa pay labot ang grabing pag-antos aron lang makasakay. Kohai og basi ang mga trabahante nga taga Inayawan.
Kinahanglan pa nila nga mosakay og tricycle padulong sa Pardo aron makasakay og bus. Imbes magdaginot nisamot man hinuon og ka-ut-ot ang mga kabus nga mamumu-o. Ang iplete sa tricycle o trisikad paigo na unta iplete padung sa ilang distinasyon.
Ambot og gitarong ba og reserach ngano nga ang mga bus adfto ra man sa highway mohakot og mga pasahero. Ang naa sa mga suok sama sa ruta nga Laray-Inayawan ilaha man nga gikalimtan.
Mao sab ni ang nahitabo sa ubang ruta. Sama sa mga taga Tagunol, ug silingang mga dapit kinahanglan pa nga magpaabot og inoras kay ang bus nga gikan sa Pardo puno namang daan unyag agi sa ilang gibarugan.
Pasabta daw mi nganong wa malakip sa inyong listahan ang ubang mga ruta. Aron matibway ning tanan ilabi na sa mga gagmay og kinitaan ang dali nga pagpabalik sa mga dyip sa karsada maoy siyagit karon sa kinabag-an. Kini gyud unta ang unang gitutukan sa city hall sa wala pa sugdi og padagan ang mga bus.
Dili unta ang mga bus maoy priority sa ilang pagtoon kong duna man gani. Niadtong panahon nga ubos pa ta sa enhanced community quarantine kini unta maoy una nilang gihatagan og gibug-aton sanglit nia dinhi nanginabuhi ang liboan ka mga drayber. Maayo ra ba unta og frontseat sila sa mga ayuda.
Atong panghinaoton nga ang atong mga opisyal nga gitagsaan og sakyanan sa gobyerno, makahinumdum unta sa ilang mga saad sa panahon sa kampanya sa eleksiyon nga kita ilang panggaon. Gawas sa Laray-Inayawan nga ruta unta ang tanang ruta padaganan na og dyip aron matibway ning tanang mga pag-antos sa natad sa public transportation.
Mga tawo nga nakalapas sa curfew og ubang health protocols akong nakit-an didto sa Plaza Independencia nga gipa ubos og seminar niadtong Meyerkoles sa gabii. Nadakapn sila sa mga nagroving nga pulis.
May nauna na nila nga subra sa usa ka gatos sa niaging semana. Sa akong pagtuo duna pay daghan nga mosunod kanila basi ni sa akong naobserbahan sa nagkadaghan nga nagwara wara karon sa karsada nga wala magtuman sa oagsul-ob og facemask, social distancing ingon man ang tapok tapok nga wa gyud kinahanglana.