Gipahibawo ni Lapu-Lapu City Mayor Junard Chan nga 22 ang bag-ong nagpositibo sa coronavirus disease 2019 (Covid-19) sa dakbayan.
Pulos kini gikan sa nagpadayong mass testing sa kagamhanan sa Top 11 barangay sa dakbayan nga taas ang kaso sa Covid-19.
Ang 7 sa nagpositibo gikan sa Brgy Basak, 3 sa Gun-ob, 3 sa Looc, 6 sa Mactan, 1 sa Maribago, ug 2 sa Pajo.
Sa miaging semana, 30 usab ka indbidwal sa mass testing ang nagpositibo sa virus.
Nunot niini, subling gipahimangnoan ni Chan ang publiko nga padayong motamod sa minimum health protocol aron kalikayan ang pagsaka sa kaso sa Covid-19. / GCM