SUPERBALITA CEBU

Sinas mipahinumdom sa pulis sa di gyud pagdawat

SINUGDANAN: Si PNP Chief General Debold Sinas, sa iyang pagpamulong atubangan sa iyang mga sakop sa Police Regional Office (PRO) 7 miangkon nga dinhi sa Sugbo nagsugod ang iyang dan padung sa pagkapangu sa kapulisan sa nasod. (Arnold Y. Bustamante)

PAGLIMPYO sa hut-ong sa kapulisan, pagpahugot sa kampanya batok sa illegal drugs ug di pagdawat og bisan unsang kwarta gikan sa ilegal, drugas man o sugal, maoy katuyoan sa liderato karon sa Philippine National Police.

Sa iyang mensahe, si Police General Debold Sinas, bag-ong gitudlo ni Presidente Rodrigo Duterte nga mangu sa kapulisan sa nasod, niingon nga bisan gikan kini sa negusyante, apan kadudahan ang tinubdan, di kini ipadawat.

“Tuloy po ang no take policy natin ng mga illegal funds from drugs, illegal gambling, smuggling and other unscrupulous businessman,” dugang ni Sinas.

Iya na kining nabuhat dihang direktor pa siya sa kapulisan sa Central Visayas.

Si Sinas nipasalig nga iyang tumanon ang tanang mga tahas nga gisangon ni Duterte kaniya sa pagtudlo kaniya isip PNP chief. Gipili ni Sinas nga dinhi mag thanksgiving sa Sugbo tungod kay dinhi siya nagsugod sa iyang karera.

Matod niya nga ang iyang dalan paingon sa pagkapangu sa PNP nagsugod sa Central Visayas. Iyang giangkon nga ang iyang damgo nga mangu sa kapulisan sa nasod nahatagan og katumanan dihang siya pa ang direktor sa Police Regional Office (PRO) 7.

“My journey in reaching the chief PNP it really started in Cebu,” matod ni Sinas.

Ang iyang mga programa ug plano dinhi usab naumol sa Sugbo. Wa siya magdahom nga mahimong pangu sa kapulisan sa nasod.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph