SUPERBALITA DAVAO

6 Dawlah Islamiyah misurender

UNOM ka mga terorista ang misurender sa militar alas 3 sa hapon, Sabado, Nobyembre 21, 2020, sa probinsya sa Maguindanao.

Giila ang mga rebelde nga sila Badtongan Amino, Rasid Sangkali, Nasrudin Talib, Mohammad Abdul Samad, Khulo Amino ug Aladin Gaapar.

Ang unom ka mga terorista ubos sa grupo ni Kumander Ustadz Karialan sa Karialan faction sa Bangsamoro Islamic Freedom Fighters (BIFF).

Misurender ang mga rebelde ngadto kang Shariff Aguak Maguindanao Mayor Engineer Marop Ampatuan ug 1st Mechanized Infantry Battalion Commander Lieutenant Colonel Cresencio Sanchez Jr.

Dala sa pagsurender sa unom ka BIFF-Isis Dawlah Islamiyah Terrorist ang unom ka mga tag-as nga matang sa armas, duha ka improvised explosive device, mga bala, magazine ug mga kagamitan sa paggama sa bomba.

Nagpasalamat sab si 6th Infantry (Kampilan) Division Chief ug Joint Task Force Central Commander Major General Juvymax Uy kang Ampatuan sa pagtabang sa mga sundalo sa negosasyon sa pagsurender sa mga rebelde.

Ang unom ka BIFF nakadawat og tabang pinansyal lakip na livelihood assistance gikan sa LGU-Shariff Aguak ug sa kagamhanan.

Giaghat ni Uy ang ubang BIFF, mga armed lawless groups sa Maguindanao nga mosurender na ug manginabuhing magmalinawon. (Edgar Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph