SUPERBALITA DAVAO

Panty sa dalaga gipangawat sa boardmate

MIDANGOP sa Sta. Ana Police Station ang usa ka dalaga dihang iyang nasakpan ang iyang ka-boardmate nga gipangawat ang iyang panty sa ilang girentahan nga boarding house sa Barangay 22-C, Poblacion, Boulevard, Davao City.

Alas 8 sa buntag Dominggo, Nobiyembre 22, 2020, nagpa-blotter ang 21-anyos nga si alyas Fe sa presinto uno dihang iyang nasakpan si Jeric, 23, nga mikuha sa iyang sinablay nga panty duol sa iyang bintana.

Gilayong gikompronta ni Fe si Jeric apan misulod kini sa kuwarto ug giitsa ang panty sa gawas sa bintana.

Una niini, daghan nang higayon nga nawad-an og panty si Fe, diin iya lamang kining gibaliwala.

Nagtuo ang mga ka boardmate ni Fe nga gigamit sab ni Jeric ang panty kay dihay usa ka higayon nga nakita nila si Jeric nga dili brief ang gisuot. Nagtuo sab sila nga ginapantasyahan sa suspek ang panty sa dalaga.

Human sa pagpa-blotter sa dalaga, gimandoan siya sa kapulisan nga ipatawag ang nahisgutan sa barangay aron didto sila mahusay.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph