KON ang NBA adunay Vince Carter, ang Philippine Basketball Association (PBA) anaa puy Asi Taulava.
Si Taulava, 47, maoy nahimong unang player sa PBA nga nakaduwa sa managlahing upat ka dekada. Siya na draft Mobiline Phone Pals (TNT Tropang Giga na karon) niadtong 1999.
Nakuha ni Taulava ang milestone nga labing unang PBA player na nakaduwa sa managlahing upat ka dekada sa iyang pagduwa sa NLEX Road Warriors sa 2020 PBA Philippine sulod sa “bubble” sa Pampanga.
Sa iyahang uwahing duwa sa NLEX nakakuha si Taulava og 11 puntos, upat ka rebounds ug tulo ka blocks.
Si Taulava, sama kang Vince Carter, nakaduwa sa dekada 1990s, 2000s, 2010s ug 2020s.
Wala pa hibaw-e kon mo-retiro naba si Taulava o moduwa pa kini og lain nga season.
Sigon niya nga nagdepende sa management ang desisyon kon kuhaon pa siya sa sunod season. Ang 6-foot-9 nga Filipino-Tongan nahimong 17-time PBA All Star sulod sa sobra 20 ka tuig sa PBA. (RSC)