SUPERBALITA CEBU

Depresyon misugmat, lalake nanghagis, patay

■ RESCUERS: Ang mga sakop sa Cebu City Disaster Risk Reduction Management and Office (CDRRMO) ang ningkuiha sa lawas sa 22-anyos nga nanghagis ug naghulog, patay sa Barangay Lahug. / Benjie T. Talisic

PATAY nang gi-rescue sa mga sakop sa Special Rescue Squad sa Cebu City Disaster Risk Reduction Management and Office (CDRRMO) ang 22-anyos nga ulitawo gikan sa bintana sa usa ka panimay sa subdibisyon sa Barangay Lahug, siyudad sa Sugbo kagahapon, Nobiyembre 22.

Si Police Staff Sergeant Reynato Baldo niila sa namatay nga si Junrey Andam, 22, residente sa Sityo Top Hills sa susamang barangay.

Sa imbestigasyon sa Mabolo Police Station nasayran nga ang biktima giingong sa wala pa ang pagkatkat niini sa panimalay giingong may dala kini og kutsilyo hangtud na nga nanghasi sa ilang lugar ug miabot didto sa usa ka panimay sa subdivision dayon misaka sa atop daw dunay gikahadlokan.

Si Jimmy Rabuya, admin security head sa subdivision nga nahinabi sa Superbalita Cebu, niingon nga ang balay kon asa si Andam nasangit sakop sa subdivision.

Matod ni Rabuya, gipahibawo sila sa gwardiya sa silingang subdivision nga duna usa ka tawo mikatkat sa usa ka balay nga nagkadugo nga may dala nga kutsilyo.

Si Rabuya dali nangayo og tabang sa barangay tanod aron susihon ug luwason kini apan sa pagsuway niini nga estoryahon si Andam uban ang mga barangay tanod apan wala giyud maminaw hangtud nga nahulog ug nasangit nga maoy gipaingnan sa iyang kamatayon.

Si Baldo ang nag-imbestiga sa kaso dihang nakuha na ang lawas ni Andam sa mga sakop sa Special Rescue Squad nasuta nga duna kini samad sa liog nga gituohan si Andam naglaslas sa iyang liog una pa kini nisaka sa ibabaw sa atop.

Hangtud na nga nahutdan kini og dugo ug nakabsan sa iyang kinabuhi.

Ang uyoan sa namatay nga si Luis Minoza nga niadto sa dapit miingon nga nakurat sila sa nahitabo sa iyang pag-umangkon nga niadtong Sabado sa gabii, Nobiyembre 21, nangayo pa og panihapon.

Ang uyoan wala magdahum nga kalit lang misugmat ang kabuhi sa iyang pag-umangkon nga maoy resulta sa panghasi niini nga may dala nga kutsilyo hangtud na nga misaka sa atop.

Giangkon ni Minoza nga dunay panahon nga mosugmat ang kabuhi sa iyang pag-umangkon apan niadtong tungora, mas nigrabe kini. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph