SUPERBALITA CEBU

Bata gigasahan sa pagkamamugnaon

MAHALONG mga sakyanan yano ra nga maangkon sa usa ka 11 anyos nga batang lalake pinaagi sa paggama niini gamit ang karton.

Sigon sa iyang inahan nga si PMaj. Mercy Villaro, tigpamaba sa Mandaue City Police Office (MCPO)nga nahimamat sa Superbalita Cebu si Bryce James Villaro Alarcon, 11, aron personal nga makahinabi og makasaksi kon giunsa paggama ang iyang mga mahalong sakyanan.

Sulod lang sa usa ka oras nakagama na si Bryce og usa model sa Mclarens speedtail nga ginama lang sa karton, masking tape ug gipinturahan gamit ang colored pencil.

Ang hilig ni Bryce sa mga sakyanan namatikdan na sa ilang pamilya sukad niadtong 2 anyos pa lang siya ug dili pa kaayo kamaong moestorya, sigon sa iyang inahan nga si PMaj. Mercy Villaro, tigpamaba sa Mandaue City Police Office (MCPO).

Nag-edad si Bryce og 5 anyos na-memorize na niya ang tanang mga modelo sa mga sakyanan.

Human niana, nangolekta na si Bryce sa tanan niyang ganahan nga mga duwaang sakyanan ug eroplano.

Tungod nakompleto na ni Bryce ang iyang mga gusto, ang una niyang panghimuon gamit ang karton mao ang mga lugar, sama sa twin-tower, airport ug parking building.

Matod ni Villaro, nga gigama ni Bryce ang iyang parking building aron didto niya i-park ang iyang nakolekta nga mga duwaang sakyanan.

Niadto lang Enero 2020, gipahimuslan ni Bryce ang iyang pagka-creative aron maghimo na mismo og duwaang sakyanan gamit lang ang karton.

Sukad niadto nagama na siya og 11 ka mga sakyanan ug usa ka eroplano.

Plano nasab ni Bryce nga mohimo og mga barko nga gama gihapon sa karton.

Miingon si Bryce sa Superbalita Cebu nga inspirasyon sab niya sa paggama ang mga transportasyon nga iyang masakyan kon sila mobakasyon o molakaw.

Matod ni Villaro, sukad sa Covid-19 tungod sa kalisod sa panahon, wala na niya paliti og toys si Bryce hinungdan nga siya nalang ang maggama.

Dad-an ni Villaro si Bryce og mga karton gikan sa ilang opisina diin gigamit nga food box alang sa frontliners nga wala na nagamit.

Sumala ni Villaro nga malipay ra sab si Bryce kon hatagan lang siya og karton sa iyang mama.

Miingon si Bryce nga pinaagi lang sa iyang creativity nakagama siya sa maong mga sakyanan ug wala siya motan-aw og mga video sa Youtube.

Karon sa panahon sa pandemya, walay laing kalingawan si Bryce sa ilang balay kondili ang paggama sa mga sakyanan gawas sa pagtan-aw og TV ug pagduwa og video games, labi na nga siya lang ang bata sa ilang balay.

Ang mga ginama ni Bryce nga mga sakyanan panagsa iyang ipanghatag sa iyang mga classmate gani, ang gigama ni Bryce nga Mclarez speedtail iya kining gihatag sa Superbalita Cebu isip souvenir.

Ang ubang mga ginama ni Bryce gi-display niya sa iyang kwarto.

Gani tungod sa kadaghan na niini, gipanglabay na sa iyang lolo ang uban.

Samtang, , si Bryce miingon nga pangandoy gyud niya nga mahimong usa ka engineer sa iyang pagdako na. Sa gipakita nga pagka mamugnaon ni Bryce, tataw nga makaba-ot niya kini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph